【創意背後】日本推出透明奶茶是為了打工仔?


日本人最鍾意就係出啲古靈精怪但又幾好味嘅嘢食同嘢飲,繼透明檸茶之後,又一最新產品—透明奶茶!雖然成枝奶茶都係透明好似水咁,但飲落又真係同飲樽裝奶茶一樣冇乜分別,有茶味、有奶味,又夠甜,堅係特別!不過,唔講唔知,原來呢枝透明奶茶是特別為日本打工仔而設!

在日本工作不得飲清水以外的飲料
平時在香港,打工仔都鍾意沖杯咖啡、奶茶或者朱古力嚟工作,當係提神又好,有啲嘢濕吓個口都好,反正就係拎住杯嘢飲,個人都好似精神啲、high class啲咁,但原來在日本,返工飲清水、咖啡和茶以外的飲料,是一種冇禮貌、不尊重場合和工作的行為,甚至會令上司覺得你唔係專心做緊嘢。所以,日本人就特意推出這種透明奶茶,等打工仔在返工嘅時候都可以自在地飲吓奶茶,同時又唔洗驚會畀同事和老細話你分心、冇禮貌,一舉兩得!

透明奶茶點解係透明?
知道日本人推出呢隻透明奶茶背後的原因之後,係咪都好好奇點解可以將奶茶整成透明無色呢?其實一切都係物質的加加減減架啫!透明奶茶之所以係透明,係因為它的原料基底是天然礦泉水,紅茶味是來自阿薩姆紅茶的萃取物,而奶味則是來自乳清礦物鹽,加埋其他添加物和香料等成份去製造奶茶的香味,就可以溝出奶茶味的飲品。由於添加的只是奶茶味的物質,而且含量極少,所以奶茶的外觀就會呈透明,飲起嚟卻有奶茶的味道。

睇完係咪都心思思想買返枝透明奶茶試吓呢?咁講法其實香港打工仔都算幸福啊!起碼返工食咩、飲咩都冇人會阻止你。既然咁自由,計我話,大家有得飲都係飲返真奶茶好啲喇!

文:Noelle

更多打工仔分享,追蹤 ECjobsonline 專頁 或 瀏覽 www.ECjobsonline.com
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→