南韓新興行業「人肉鬧鐘」 月賺數千港元

而家天氣咁熱,打工仔每朝都唔多願起身,淨係靠手機的內置鬧鐘都未必夠,如果有個「人肉鬧鐘」定時定候叫醒自己就更好。

原來南韓已經有「真‧人肉鬧鐘」呢個行業,近日南韓出現一種「叫醒電話」的新行業,專門提供天天致電叫醒客人的服務。行業已經吸引不少年輕人加入,每日只要打一打電話,每月就可以賺到3萬至5萬韓圜(約205至341港元),勤力者的每月能賺到40萬至50萬韓圜(約2,755至3,443港元),比起一般家庭補習更輕鬆。

當地傳媒報導指,「叫醒電話」服務推出後,反應比想像中受歡迎,客人只需在網上申請,就可以先免費享受一天的服務。如果滿意「叫醒專員」的表現,服務便正式開始。若「叫醒專員」某天睡過頭,未能及時致電客人,將需免費延長服務一周。
有20出頭的學生申請「叫醒服務」,稱因要準備公務員考試,每朝6時多就要起床上補習班,申請服務後不再擔心「瞓過龍」。開設網站「叫醒電話打工市場」的30歲李姓網主表示:「有些單身族或妻兒在海外的寂寞男子,會因孤單而申請這項服務。」

23歲的姜先生正在找全職,趁有時間當上「叫醒專員」賺些外快。他每日清晨4時到6時,負責致電叫醒8名客人,每月能賺1,000多至2,000港元。唔知香港幾時會推出呢種咁貼心的服務呢?

更多打工仔分享,追蹤 ECjobsonline 專頁 或 瀏覽 www.ECjobsonline.com


留言


請按此登錄後留言。未成為會員? 立即註冊
    快捷鍵:←
    快捷鍵:→