​咩職業病有得賠?係咪得工傷先可以索償? 文字


打工仔每日平均花7至8個鐘頭坐喺度用電腦、覆email、打文件,平日又少運動,搞到10個有9個上班族都有腰痠背痛嘅症狀。問題黎喇!長期受腰背痛影響,患上經濟艙腳、滑鼠手等職業病,其實有冇得claim勞工保險或者向公司索償架呢?定係一定要係喺工作期間受傷先有得賠呢?

根據《僱員補償條例》,各行各業人士如因工受傷、在乘坐僱主所提供的交通工具往返工作場所途中受傷,或被醫生診斷為患上法定職業病,皆可受到法例保障、得到補償。外發工、臨時工和與僱主同住的親屬則不獲此法例保障。

咁咩病先會被介定為法定職業病呢?法定職業病是指僱員在合約期間從事某類型的工作,並因該工作性質而患上指定的職業病,這種職業病便視為可獲得賠償的疾病。

職業病主要可分為3類:物理因素所致;生物因素所致;化學因素所致。由物理因素所引致的職業病於打工仔身上比較常見,因其包括任何涉及長期書寫、打字或重複手部動作的疾病,例如前臂痙孿、腕管綜合症、肘瘍和手瘍等等。當然仲有涉及長期暴露於熾熱物質或混合氣體的職業病,如熱內障和氣壓病等。至於由生物因素所致的職業病,就一定係同接觸動物、植物和人體有關,例如鸚鵡熱、農夫肺,以及退伍軍人症。而由化學因素所致的職業病,就係指化學中毒所得的疾病,包括氯化萘中毒和職業性白斑病等等。除以上3類,仲有一啲係由其他因素所引發的職業病,例如因處理可刺激呼吸系統的物質而引起的職業性哮喘病,和因暴露於塵埃、液體或蒸氣中而引致的呼吸道疾病等等。

一旦因工受傷或證實患上職業病,打工仔可得到法定僱員補償,包括工傷病假錢 (病假期間的4/5人工)、按傷勢、年齡和每月收入而定的永久喪失賺取收入能力補償,以及醫療費。當然,各位打工仔都要盡快向公司申報、準時覆診和提供所需文件先有得賠架!僱主亦應多配合受傷員工,積極為他們提供協助。

睇到黎呢度,各位打工仔知道手部勞損都有機會賠,係咪即刻鬆一口氣呢?不過,自己身體始終都要好好愛惜,凡事都要量力而為,有咩唔妥就好即刻睇醫生喇!

文:Noelle

更多打工仔分享,追蹤 ECjobsonline 專頁 或 瀏覽 www.ECjobsonline.com
【球迷世界飲食台 第2集 — 「Chef Au Chung」教煮溝女必學兩式】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→