【打工仔健康】瞓極都唔夠?戒6個惡習幫到你 文字


在香港搵食一點也不容易,打工仔個個朝九晚八,差不多忙足十二個鐘,唔夠瞓乃是人之常情,亦都是個個上班族習以為常的問題。但是你有冇試過就算星期六日補番咁多個鐘的睡眠,都是覺得不夠呢 ? 瞓極都唔夠,仲好似越瞓越攰,仲會頭痛添 ! 其實這個瞓極都唔夠的問題,是跟你長年累月的生活壞習慣有關 ! 戒左以下6個陋習,睇下幫唔幫到你日日番工精神啲,唔洗再被瞓極都唔夠的問題困擾 !

一. 睡前不要玩手機、用電腦或看電視
都市人差不多二十四小時都有部機在手,有事冇事都喺度篤來篤去,不少人臨瞓前仲鐘意玩幾局手機遊戲,原來這些都是不良的生活習慣 ! 手機、電腦和電視螢幕所發出的藍光接觸到我們的眼球時,眼部的視交叉神經上核就會提醒我們的腦部要保持清醒,令睡眠質素下降。建議大家臨瞓前一小時試下放低手上的手機同平板,避免眼睛受到光線的刺激,自然就會好瞓啲,唔洗因為瞓得不好要在週末補眠啦 !

二. 睡前不要吃宵夜
不少人都鐘意夜媽媽落街食糖水,但其實睡前兩小時進食會為腸胃帶來負擔,增加胃酸分泌,容易導致半夜胃酸和胃食道倒流。而且,對於頻尿的人,晚餐後儘量不要喝水,以致在睡夢中因為尿急而打斷睡眠。如果臨瞓前覺得肚餓,可以喝少許溫牛奶,因為牛奶中的酪蛋白可以有助於睡眠,但千萬不要喝太多,或喝太熱的牛奶。

三. 睡前不要洗澡或喝熱飲
很多人以為沖完熱水涼會更好瞓,其實係大錯特錯 ! 在入睡時,我們身體的溫度會稍為下降,沖完熱水涼,或者飲杯熱飲就去瞓,反而會令身體溫度上升,更難入睡 ! 所以大家要記住,臨瞓前兩小時就不要走去沖涼喇 ! 如果屬寒底或怕凍的人擔心入睡時手腳冰冷,可以在沖涼後着襪或者用暖包,甚至在睡前用溫水泡腳,咁就冇有怕啦 !

四. 睡前不要做劇烈運動
雖然做適量的運動可有助於睡眠,但千萬不要以為做多啲運動等個人攰啲就會好瞓啲,長跑、打波同玩boxing等劇烈運動就不要在臨瞓前兩小時做喇 ! 劇烈運動同沖熱水涼一樣,會提高人體溫度,令我們更難入睡。而且,臨瞓前出太多汗可能會導致心液不足,降低睡眠質素。建議在臨瞓前做一些緩和的伸展動作,或者慢行30分鐘,可以有助身心放鬆,瞓個靚覺。

五. 作息要定時
作息要定時,呢樣野聽落好普通好基本,但它亦都是最重要的一樣 ! 定時的作息時間表,即是代表你身體適應了的休息時間,你一向幾點瞓幾點起身,就應該一直保持着,不要因為第二日不用番工,前一晚好夜先瞓,第二朝又瞓到黃朝百晏,又或者因為第二日早上有工作或會議,前一晚就特意早些瞓,你睡在床上面只會瞓唔着,寧靜做些輕鬆嘅野,看看書聽聽音樂,等到眼瞓先走去瞓。仲有一樣好重要的就是,儘量不要在週末補眠,因為你身體一向適應了星期一至五不會有晏覺瞓同瞓到一兩點先起身。記住 ! 一晚時間絕對補不到你日積月累睡不夠的時間,所有好多人反而會越瞓越攰。而且,睡太久晏覺會減少睡眠的驅動力,令我們在晚間難以入睡。說到這裡,大家應該知道作息要定時的重要性了吧 !

六. 保持輕鬆的心情入睡
很多人之所以會失眠在床上輾轉反側,大多數是因為有壓力、腦想着好多事。建議大家在睡前把所有心事和工作寫在紙上,一切都留待第二日先好好解決 ! 將滿滿的煩惱帶上床只會令你更加焦慮同清醒,最後搞到你瞓唔着 ! 放鬆心情去睡覺才會有一夜好眠啊 !

瞓極都唔夠不是話瞓多啲同睇次中醫就可以解決的小事 ! 都市人在生活上有這麼多壞習慣,這些細節才是值得我們注意的地方 ! 從生活習慣開始調節同改善,相信大家一定可以擺脫瞓極都唔夠這個大問題 !

文:Noelle So

更多打工仔分享,追蹤 ECjobsonline 專頁 或 瀏覽 www.ECjobsonline.com

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→