【政府筍工】郵政署請郵差 男女不拘月入可達2萬5 文字


想搵份工作內容簡單、福利好,收入又穩定嘅工?機會嚟喇飛雲!事關政府郵政署招募緊郵差,每月薪水可達兩萬五!招聘門檻仲唔高,具備中四嘅學歷程度就已經申請得。加上郵差嘅工作輕鬆簡易,不外乎係派下信、處理下啲郵件、操作下電腦系統咁,認真諗得過!

根據公務員事務局嘅網頁,申請人只需具備中四或同等學歷,拉得郁和孭得起個郵袋就OK。月薪1萬4至2萬5蚊不等。收到錄取通知後,一般會獲受聘三年,或以長期聘用條款聘用。另外,做公務員唔只人工高、收入穩定,更可享有房屋資助、有薪假期、醫療及牙科診療等福利,稱得上為筍工。

好多人可能會覺得郵差係屬於體力勞動嘅工作,唔啱女仔做。其實郵差派信都好講手眼協調,心思細密嘅女仔絕對唔會輸蝕。而且,招聘告示都寫到明男、女不拘,兩者都歡迎申請郵差一職。

除左派信,郵差都有機會進行捆紮郵件、利用電腦輸入資料、分揀郵包、操作機械和處理櫃位職務等工作。所以,獲參與應徵嘅申請人都要循例做番個體能、技能和揀信測試,亦有機會考核《基本法》嘅知識。

有興趣人士,可於2017年5月5號下午5點或之前,透過網上系統或郵寄申請職位,申請表可於公務員事務局網站http://www.csb.gov.hk下載。成功獲選參加體能及技能測試的申請者,會在截止申請日期後約16至18個星期內接獲通知。如有問題,可致電2921 2170 / 2921 2220,或瀏覽部門網頁http://www.hongkongpost.hk向招聘組查詢。



更多打工仔分享,追蹤 ECjobsonline 專頁 或 瀏覽 www.ECjobsonline.com

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→