​日飲一杯檸茶奶茶?濃茶健康危機話你知

​日飲一杯檸茶奶茶?濃茶健康危機話你知
刊登日期: 2017-11-06


唔少打工仔為咗提神,每日都會隊一杯檸茶或奶茶;大熱天時出去食lunch,好多人都會嗌番杯凍檸茶或凍奶茶嚟解吓渴;珍珠奶茶更加係唔少人嘅至愛,但係其實飲咁多檸茶、奶茶,除了會吸收好多糖份之外,更加有機會出現濃茶健康危機!

1. 貧血
有醫學研究發現,經常飲濃茶,特別是食完飯之後飲,會令身體難以吸收食物中的鐵,最後因為體內唔夠鐵質而引致貧血。女士嗰幾日更加唔好飲濃茶,不然會引致經痛和延長經期。
2. 骨質疏鬆
茶葉含一定份量的咖啡因,其會促使尿鈣排泄,加上過多的咖啡鹼會抑制十二指腸對鈣的吸收,或會造成骨鈣流失,繼而導致骨質疏鬆的問題出現。所以,飲茶雖然利尿,但經常去廁所都唔係好事嚟架!

3.營養流失
剛才也提及過,飲茶十分利尿,其會增加尿量,引致鉀、鎂、維生素B等重要營養素的流失。

4. 增加心臟負荷
茶的咖啡鹼會加快心跳、血液流動和呼吸,使人容易產生心律不正的現象。因此,飲得太多濃茶,會增加心臟負擔!Lunch time出去一盅兩件,都係唔好飲太濃嘅茶喇!

5. 便秘問題
茶葉中的茶多酚對腸胃黏膜有很強的收斂性,其會減緩胃的收縮和腸道的蠕動,影響食物的消化和吸收,容易引致大便乾結和便秘的問題。

6. 出現醉茶現象
茶含有咖啡因、活性生物鹼以及多種芳香物,新茶的含量會更高,經常飲用,或飲得太濃,會使人過度興奮同活躍,不利神經系統,或會造成神經衰弱和心血管疾病等問題。

飲茶雖然可以消滯解膩,但係成日飲太濃嘅茶,對身體都唔係百利而無一害。睇曬以上6個濃茶健康危機,以後就識飲啦!

文:Noelle

更多打工仔分享,追蹤 ECjobsonline 專頁 或 瀏覽 www.ECjobsonline.com
標籤: 濃茶  心臟負荷  醉茶  便秘  骨質疏鬆  
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→