【有苦自己知】公司旅行無你想像咁爽


有人出錢請自己去旅行當然開心,但有唔少過來人話比大家知其實並唔係想像中咁爽。因為有唔少打工仔係網上呻,同老闆或不相熟的同事去旅行,事實上「有苦自己知」!

旅行隨時要自費
有網民分享,即使公司旅行去日本,但入職不夠兩年要自費及扣假,她入職行政部不夠兩年,負責做旅行搞手,公司要求她參加,估計要自費5,000至10,000元!即使公司最後肯資助一半費用,她都寧選擇不參加。

假玩樂‧真Training
公司會安排緊密行程,甚至有機會從早到晚在酒店Training。有從事文職的過來人分享,試過上午如常在公司工作,中午就出發到馬灣進行Team Building活動,烈日當空下玩野外定向,直言「辛苦過返工」。

累積工作量
Team Building活動多在工作日進行,有新入職同事以為上班半日可以去玩,老鬼同事們不禁想:「少年,你太年輕了」,明日要繼續完成這半天的工作呀!

假期變返工
部分公司會安排員工旅行在周末或連續公眾假期進行,重點是不會補假。有打工仔呻道,「平時返工都係朝九晚六,仲有放工之後係私人時間,但呢啲旅行基本上全日都要對老闆、同事,仲辛苦過返工!

應付麻煩老闆同事
如果與老闆、同事關係好,當然可當與朋友去玩,否則言行舉止都要小心翼翼,但「弊在唔講嘢又唔得」,又不能「成碌木咁企o喺度乜都唔做」。

更多打工仔分享,追蹤 ECjobsonline 專頁 或 瀏覽 www.ECjobsonline.com
標籤: 培訓  Team Building  公司旅行  

留言


請按此登錄後留言。未成為會員? 立即註冊
    快捷鍵:←
    快捷鍵:→