【識講多謝係未夠㗎】經常被忽略的職場禮儀 文字

出嚟做野,無論見客、見工都有好多不為人知的職場禮節需要注意。「禮多人不怪」唔一定啱哂,遲到同對方講好多次「對唔住」反而會火上加油?出席餐會幫女士拉椅子係唔好的行為?一於睇下有咩職場禮儀係你一直以來忽略嘅!

1. 感謝或抱歉的話說一兩次就夠
對方幫你或者送野比你,講多謝係應份嘅事,但講太多次只會令到你的感謝失去原有的價值 ; 同樣,抱歉的說話,真誠地講一兩次就夠,否則只會令人感到厭煩同虛偽。

2. 電郵/信件個人化
好多時send email比人都會貪方便,寄一式一樣的內容出去,但其實無論係send email定寄信都好,最好都係比番啲誠意,每封都做到有啲唔一樣,咁就完全突顯到你的誠意啦!

3. 被介紹時要起立
在職場上,總有好多見客同交際的時候,當有人介紹到你時,記得唔好只係坐係度,應該要起立,以示尊重。

4. 不要將手機放在桌上
大家都知見客、開會或者參與餐會途中玩手機係十分冇禮貌的事,但其實將手機放在檯面都是一項不值得鼓勵的行為。放部手機喺檯上面,就好似提醒緊對方你好趕時間,或者等緊電話。如果真係等緊一個好重要的電話,建議大家將手機較無聲或震機後放落衫袋褲袋度,咁就算有人打過嚟都會有通話紀錄 !

5. 指示別人時要攤開手掌
指人或者向別人指示方向時,我地都慣左用手指篤嚟篤去,在職場上就一定唔可以咁做喇!指示別人時,應該攤開手掌伸向對方,以表禮貌。

6. 不拉櫈、不點貴價菜、不打包
男士好多時都想扮下gentleman幫女士拉櫈,不過在職場上男女平等,就冇呢個需要喇!叫野食時都唔好一心諗住「有大食大」有公司找數就叫曬啲貴價菜嚟食,見客最緊要係面談的過程,食物的款式唔需要太講究,搵一間舒服寧靜的餐廳或者咖啡店,傾公事先係目的!所以,仲有小小野食剩都唔洗刻意打包架!

就算條件幾吸引、面談時幾有誠意,甚至公司有幾大規模都好,一個職場禮儀的過失就可以係對方心目中留下壞印象,所以千祈唔好低估職場禮儀的重要性!

文:Noelle

更多打工仔分享,追蹤ECjobsonline 專頁或 瀏覽 www.ECjobsonline.com

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→