10種辦公室最常遇同事


「一樣米養百樣人」,出到社會做嘢總會遇到唔同性格類型嘅人,有啲可能好討人喜歡,有啲可能平平凡凡,有啲可能係職場犯眾憎。為大家歸納出10種喺辦公室最常見到嘅同事類型,睇下你或者身邊嘅同事係咪榜上有名。

1. 事非八卦型
「聽講呢」、「知唔知」、「原來呀」已經成為呢類同事經常掛喺嘴邊嘅說話。其實冇聽過,亦從來都數知,不過佢地就好似娛樂版記者咁定期都揾到消息人士爆料俾佢地聽一啲嘢。可能係A小姐同B先生玩梗地下情,或者老闆偷食俾老婆斷正呢類大台常用嘅劇情。雖然唔知佢地邊到揾到咁多小道消息,都唔知當中幾多成係真幾多成係假,但佢地永遠都會保持一個積極嘅態度去講呢類八卦嘢。有佢地,公司就充滿花生殼。

2. 過份認真型
佢地對工作嘅認真同上心的確好令人欣賞同放心,但分分秒秒都咁認真係太誇張。有時講下笑,佢都都會板住口臉問翻你轉頭。唔好諗住喺呢類同事面前講「Why so serious?」,因為認真開嘅佢地真係會好認真咁答翻你呢條問題。

3. 前後不一型
典型嘅「口裡說不,身體卻很誠實」。佢地表現出嚟嘅可以同心裡面嘅完全相反。喺你面前笑騎騎,但喺你背後就放毒蛇。同樣有機會講你八卦,但為咗自己利益,一啲傷害你聲譽嘅流言蜚語就係由佢地。出嚟呢類同事前後不一嘅陰險未必人人都發現到,真係要小心小心。

4. 代罪羔羊型
經常替人頂鑊嘅佢地可能因為好人到太極端,或者太細膽唔敢講出嚟。但更多嘅係講咗都冇人理先弊。不過點都好,佢地會繼續做好自己本份。俾啲鼓勵佢地!(拍手)

5. 游手好閒型
返工等放工係佢地嘅宗旨,扮工係佢地嘅專長。明明個個同事都忙梗,但佢可以長期做自己嘢戓者入茶水間hea。有時上司出現佢地唔會咁明目張膽,會扮吓嘢咁。如果有同事想揾佢幫忙,都會話好忙幫唔到,轉個頭又係咁聊人傾計。

6. 扮曬大佬型
當要一team人處理一份project,佢地就會扮曬大佬。開會時係咁問人問題但只己冇答案,人地俾咗建議又諸多意見但係唔會講自己想點⋯⋯到做完成份project就要做領功嗰個。Well,你估你真係大佬?

7. 風趣幽默型
令整個辦公室充滿歡笑聲嘅佢地總會諗到好多好好笑嘅嘢。有佢地,日日都係晴天啦!

8. 貌美如花型
每日返工唔同妝唔同look,但仍然靚到「嘭」一聲。佢地唔只連自己,就連office張枱都都靚過人。每到一段時間會見到佢地補妝,因為對佢地嚟講,唔補真係好易冇!

9. 怨天尤人型
永遠覺得自己最慘,最多嘢做,但其實個個同事都係咁。三句唔埋兩句就「唉唉唉」,又呢樣,又嗰樣。真係⋯⋯

10. 冇頭冇尾型
Project要俾第二個跟,但佢地寫到1999,問佢地又話係咁,咁即係點呢?茶水間都有佢地蹤影。飲完水又唔換水機,食完嘢又唔掉垃圾,火!

文:小C

更多打工仔分享,追蹤 ECjobsonline 專頁 或 瀏覽 www.ECjobsonline.com
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→