2017請假攻略 (附手機加入日曆教學) 文字

仲有2日就要同2016講再見,作為一個打工仔,最期待嘅當然係放假有得去玩。如果想係2017年請最少嘅假去享受「悠長假期」,就不妨參考2017請假攻略,有假期梗係要「用盡佢」!

2017 打工仔請假攻略
出年國慶同重陽節假期咁啱都撞正星期六,5天工作嘅打工仔唔駛失望,因為2017年都有唔少連住周末嘅紅日,以下係可以幫你「自製長假」嘅tips:

1月-2月:農曆新年 – 請3日放9日
出年年初二撞正星期日,初四會有補假,所以只需要請3日假(2月1-3日)就可以一口氣放足9日假,梗係去返個中長線旅行「避年」喇!

4月:清明節 – 請1日放4日
2017年清明節係星期二,中間只要請1日假(4月3日),就可以連埋星期六日放4日假。4日假話長唔長,但已經足夠去一個短途旅行叉叉電,即刻訂機票去返轉港人至愛嘅日本或者韓國喇!

4月:復活節 – 請4日放10日
4月係一年中最多假期嘅一個月,如果錯失咗清明節嘅話,仲有復活節長假呢個機會,只要一連請4日假(4月10-13日)就可以由4月8日放到4月17日,一共有10日假,夠哂時間去歐洲走一轉。

5月:勞動節 – 請3日放9日
4月同5月係一年中最多假放嘅月份,2017年嘅佛誕同勞動節係正閒日,所以今個月只需要請3日假(5月2,4,5日)就可以連埋上一個星期嘅周末一共放9日假,真係聽到都流哂口水!

5月:端午節 – 請1日放4日
5月尾仲有一次「延長假期」嘅機會,端午節係星期二,只要請夾係中間嘅(5月29日)星期一就可以放4日假。

7-9月都無「延長假期」嘅機會,都係乖乖哋返工吧啦!

10月:國慶連中秋 – 請3日放9日
經歷咗3個月無「假期」嘅時光後,10月終於又有機會喇!2017年國慶踏正星期日,星期一為補假,只要請3日假(10月3,4,6日),加上星期四嘅中秋節翌日,就可以連放9日假。

12月:請3日放10日跨年長假期
年尾有機會可以請假橫跨2017同2018年,係放完聖誕假後請3日假(12月27-29日)就可以放到2018年嘅元旦,係1月2先正式復工,仲有咩爽得過「連放」2年假?

教你係手機加入香港2017年公眾假期日曆
公眾假期對於打工仔來講相當重要,想一打開手機就check到2017年嘅假期好簡單,只要跟住以下步驟做就可以:

iOS用戶
iOS 用戶更可從行動裝置中,直接訂閱「香港公眾假期」 iCal 日曆
在主螢幕畫面點選「設定」
選取「郵件、聯絡資訊、行事曆」
選取「新增帳號」
選取「其他」,再選「新增已訂閱的行事曆」
在「伺服器」欄位中輸入下列你所選擇的連結,然後點選「下一步」
(繁體中文)http://www.1823.gov.hk/common/ical/tc.ics
(簡體中文)http://www.1823.gov.hk/common/ical/sc.ics
(英文)http://www.1823.gov.hk/common/ical/en.ics
點選「儲存」後,就已經成功訂閱2017年日曆!
Android 用戶
Android 用戶可跟從以下步驟,透過 Google 日曆訂閱「香港公眾假期」iCal日曆,然後與行動裝置的行事曆同步:
經瀏覽器前往 http://google.com/calendar,以你用來同步行動裝置的 Google 用戶帳號
登入 Google 日曆。
按下 Google 日曆左邊的「其他日曆」旁的向下箭咀,選擇「輸入網址以新增」。
輸入下列一個你所選擇的連結:
(繁體中文)http://www.1823.gov.hk/common/ical/tc.ics
(簡體中文)http://www.1823.gov.hk/common/ical/sc.ics
(英文)http://www.1823.gov.hk/common/ical/en.ics
按下「新增日曆」後,你便已在 Google 日曆訂閱本日曆。
開啓行動裝置的行事曆,點選「同步」。
在「設定」中的「日曆」剔選「香港公眾假期」,然後點選「完成」,這些假期便會出現在你的行動裝置的行事曆上!
文:Yvoone
更多打工仔分享,追蹤 ECjobsonline 專頁 或 瀏覽 www.ECjobsonline.com

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→