7種辦公室健康​零食 好味又唔肥!


香港的打工仔朝九晚六,次次都臨放lunch同放工先嚟開會同有急件!搞到個個都食無定時!雖然係唔健康,但都只能夠爭取有限的時間喺個位度食個杯麵醫下肚,再唔係就成日食埋啲垃圾食物頂住檔先,所以話在香港打工真是搵條命嚟搞!在辦公室做野做到又悶又頭痕,其實市面上有好多健康的零食適合打工仔帶番工當口笠濕,大家仲可以自備一啲簡單又方便的小食,可以補充體力、讓頭腦清醒啲、做野有效率啲之外,最重要的是,食得健康冇咁易肥啊嘛!

1. 果仁乾果類
最啱做口笠濕的,就一定係細細粒的果仁同乾果!花生、合桃和杏仁等果仁都含有豐富的亞油酸成份、植物油和蛋白質,有助腦部血液循環,讓你保持清醒的頭腦專心工作,食完仲非常有飽腹感唔怕做做下野餓到個肚咕咕聲啦!最重要的是,白領們差不多喺個位度由朝坐到晚,長時間坐下會增加患上心血管疾病的機會,多吃堅果就正正可以有助減低患病的機率!不過果仁類脂肪量始終較高,怕肥嘅都係唔好食太多喇!

2. 麥皮
想醫肚唔一定要食杯麵嘅!想食得健康又飽肚 ? 你的最佳選擇一定是麥皮!麥片含有豐富的碳水化合物和膳食纖維,可以源源不絕咁為人體提供能量,並維持高度的血糖水平,做起野上嚟都特別有效率,記憶力都會瞬間提升!何況而家坊間的麥皮有咁多款味道任你揀,唔洗再好似以前咁食麥皮食到口淡淡,仲可以買到方便攜帶嘅即沖麥皮,啱曬各位打工仔帶番公司食啦!當小食又得,當正餐亦得,得左!

3. 黑朱克力
黑朱克力本身就係甜食之中較為健康嘅一種零食,它除了對心血管有利、抗氧化,仲有助改善血液循環,對於長時間需要集中精神工作的打工仔嚟講,健康的血液循環是極之重要!另外,黑朱克力的糖份和脂肪量比其他甜食低,亦可以為人體提供能量和飽腹感,絕對係辦公室健康零食的必備之選!

4. 紫菜
紫菜亦都係一款較為健康的零食之一,它含有多種維生素、礦物質和碘,可以幫助改善皮膚黯淡和乾燥等問題,更能有助減少體內脂肪的積存量,和預防各種心血管疾病等等! 不過市面上唔少紫菜零食的鈉含量都偏高,大家要睇清楚營養標籤至好買啊!

5. 梅子
站在中醫學的角度睇,梅子含有鈣磷鐵多量礦物質、氨基酸、有機酸和豐富的蛋白質,具有生津解渴、健脾開胃、抗氧化,甚至消除疲勞的功效!真係好處一鑼鑼啊! 不過醃製食物始終不適宜食太多,而且梅子糖份高,食太多對牙齒都係唔好架!大家要注意喇!

6. 綠茶
番工唔想再飲咖啡同水 ? 咁不如試下轉飲綠茶啊!綠茶含有豐富的兒茶素,可以有助降低膽固醇和患心血管疾病的機會、防癌、抗氧化,食完lunch又可以解膩和幫助消化,真係飲品界中的極品!

7. 水果
講到最健康的零食,又點可以唔提水果呢 ? 喺office食水果,真係夠曬方便又健康,大家可以選擇自備水果,切好放入食物盒帶番公司食又得,成個拎番公司洗嚟食又得 ; 想再方便啲仲可以去便利店或者咖啡店買果盒同沙律,但當然就唔夠自己帶咁新鮮啦! 最推薦大家帶蘋果、橙、香蕉、牛油果同提子等等,內含多種成份可有助促進消化系統的循環、改善皮膚問題、抗氧化和增強免疫力等等。由今日開始,培養帶水果番公司食的習慣啦!
經常要開OT、食唔定時同長時間工作絕對不是貪方便食垃圾食物的藉口!其實只要識得揀,食零食都可以食得好健康 !

文:Noelle

更多打工仔分享,追蹤 ECjobsonline 專頁 或 瀏覽 www.ECjobsonline.com

留言


請按此登錄後留言。未成為會員? 立即註冊
    快捷鍵:←
    快捷鍵:→