逾3成打工仔自信比老闆更聰明

逾3成打工仔自信比老闆更聰明
刊登日期: 2017-08-03


唔少打工仔都曾經有過「懷才不遇」的念頭，覺得自己不被重用，亦有人會認為上司太窩囊，跟住佢就「無運行」，呢個唔只係香港獨有現象，原來連外國都好普遍。

外國有求職網站訪問超過20,000名打工仔，結果發現有31%男受訪者和39%女受訪者表示，認為上司係公司文化破壞者。以為學歷高嘅打工仔會更易睇唔起上司？咁就大錯特錯啦。調查結果指，學歷只有高中程度嘅受訪者當中，有53%會覺得自己做得好過上司；相反，只有32%大學畢業程度嘅受訪者係咁諗。

另外，男女各有3成多受訪者稱，假如由自己坐上司個位，會做得比現任嘅好。特別係41至45歲嘅「資深員工」組別，有最多人咁諗，當中35%認為自己做的話，會做得好好多。
萬一與老闆意見出現分歧，步入中年嘅下屬（36至40歲）最有Guts，當中有66%表示會直接同上司反映；而啲90後（18至25歲）和資深打工仔（41至45歲），亦有六成人話會同上司Fight過。至於最敢同上司或老闆Fight嘅行業，男嘅係HR和顧客支援，女嘅則從事工程和顧客支援；至於最唔敢出聲嘅，男女都係從事法務工作。

問到受訪打工仔最想老闆改進嘅事，女性打工仔最注重溝通，有48% 的人認為重要，其餘4樣包括：有責任感、態度積極、做人誠實及有職業道德。

更多打工仔分享，追蹤 ECjobsonline 專頁 或 瀏覽 www.ECjobsonline.com