我在參與拍攝一部電影:《狠狠的等》

輕筆輕故事 於 11/04/2017 發表 收藏文章
據黃子華的娛樂圈血肉史中說到,一個演員,沒有一個正式被解僱的過程,他們只可以一直在等。

未出道的,還可以用任何方法令自己被人發現,一但出道了,你只有是等人搵你拍戲。

而呢個狀態,我相信所有的Freelancer都係一樣咁面對緊,問題係你願唔願意放棄呢個「狠狠的等」。

我係一個好幸運嘅作者,因為如果唔同人講,分分鐘無人知我係寫故事,所以都係未有機會用「文化界」嘅身份介紹自己,

最多被人屈你係一個垃圾都不如嘅KOL(我寫故事想人睇唧,唔係想做KOL),

或者簡單啲講,我連Freelancer都不如,因為我接唔到生意,

而所為嘅生意,就係我可以賣自己嘅作品,

點解咁難?印書出書真係咁難嘅咩?

十二少同我講:「你有錢咪得囉... ...」

但有一個問題就係,你用錢出書,我覺得可以係一種投資,咁投資嘅嘢係要本,
咁無本就要搵人洽商,去介紹自己嘅作品比唔同嘅投資者去支持自己,

咁我應該去邊到搵人去支持自己?

宜家成個網絡寫故嘅風氣,都比讀者一種感覺,係「為興趣」,

作為無足夠朋友,即係唔係打開機、又唔係讀緊書嘅人,應該可以點同出版社講:

「我想出書試下個市場,未必有錢比你賺,得唔得?」

咁我都知出版社最禮貌嘅回應都係咁上下:

十一妹:「我哋係好歡迎你投稿,不過審稿需時,但我哋會盡快要處理。」
而有啲進取小小嘅出版社,會有啲驚喜比到你:

八亞哥:「收到你份稿,其實都要比編輯睇睇,不過之前都可以同你傾下另一個方式嘅出版,你可以試試自資... ...」

十三郎「我無幾萬蚊喎... ...」

八亞哥:「唔緊要,你可以交咗個計劃先,因為係兩邊嘅編輯,會有唔同嘅處理。」

十三郎:「咁會唔會影響到我另一邊嘅審核進度?」

八亞哥:「緊係唔會啦,唔通自資要你比錢嘅,會快過要我哋自己出錢個邊咩。」

咁又有一啲出版社係好直接:

「Sorry, the page you requested was not found.」

Click個e-mail都要死link嘅,証明佢哋幾想有作者支持佢哋,

但係又唔可以投訴佢哋,因為佢死咗link。

更重要嘅係,我無錢比佢賺,

我只不過好似係一個毒品折家咁,散緊貨,又唔咁太揚,點解?

因為怕比人知道自己做寫作,你嘅玻璃心會好快比人打碎哂:

十一妹:「原來你寫嘢?幾時出書呀?」

十家姐:「哦,send link比我睇下?(之後點擊率係零增長)」

九細佬:「我只係鍾意睇大陸小說網/日文手機小說/翻譯小說/電影改篇小說/心靈文學/陌生人嘅傳奇/偶像作者寫嘅... ...」

八亞哥:「哦!寫文章呀,好呀!都要罵下個政府,不過小心中共... ...(我係寫故事)」

其實香港有標題黨嘅原因唔係因為大家唔鍾意睇文字,

係因為大家都唔想用時間去了解人。

大家都好趕,而且因為有太多唔同嘅群體有自己嘅標籤同文化,

我真係跟唔到... ...咁我應該點去收集大家嘅支持,去同出版社講,

十三郎:「我有數據支持架,可以試下出故事書架!」(但大家都明白數據係唔會反映個事實)

寫到呢到我都覺得自己好似寫得太長,sorry 1999。(呢句嘢係最近學返嚟)

後記:
(突然好想再加多幾句) 我係絕對唔介意有廣告出現,不過可唔可以唔好BLOCK哂我個MON?
我部iPhone已經係細Mon(我唔想個電話大過個銀包囉,點袋?),比個廣告block哂,重要前後兩個。
(廣告嘅收入都都唔關我事,只係有稿費嘅作者先有收益之嘛... ...)

留言


請按此登錄後留言。未成為會員? 立即註冊
    快捷鍵:←
    快捷鍵:→