嶄新二合一平板電腦 華為MateBook

當筆電漸漸失去市場焦點的時侯，平板加筆電便成為另一個注目點，無他這類產品既實用又具筆電沒有的靈活性，今天便到華為的發報會，親身感受一下MateBook這新產品。一到埸大家都忙著即場試用MateBook這新產品，似乎不少朋友對它的表現真的有興趣。

接合部份做得幾好易拆易合，將保諼套變成機座後感覺也穩陣，起碼唔使驚部機會向後跣低撻成一塊。

在到來前已看過MWC2016的一些資料，屏幕是12寸2K IPS LCD觸控式加上解像度達2160 x 1440，另色域達85%也有160°度視角，而光度可達400 Nits，老實講色域和可視角沒能耐用自己隻眼去驗證，但解像度和光度倒是不錯的。

機身厚度只有6.9 mm，加上全鋁合金機身令重量只有640克(不包仿皮套鍵盤)，在輕薄設計下，屏幕也不能太厚變成觀音頭掃把腳，所以84%screen-to-body ratio寬高比屏幕邊框只有10mm，加上屏幕框邊有0.5秒解鎖的指紋鎖，無論你唔用指紋鎖，這設計也有誠意分可加。年間都會去兩三次旅行，MateBook電池基本可用8小時或以上，去東南亞一程機冇叉用都冇問題，帶住佢就算澳洲8小時航程都重得，當中要歸功慳電既Intel第6代CoreM dual-core處理器、機身8層散熱結構及華為自家Power Saving功能，重有最最最緊要既33.7Wh高密度的鋰電池，33.7Wh即係幾多？唔知唔緊要，即係4,430 mAh，前排大家可能沉迷左一輪周街捉monster，唔夠電玩要買尿袋既應該較易理解呢個電量有幾大，就算冇電其實充1個鐘都可回復60%電量。大會今天請了周小姐作嘉賓，讓她講講用後感分享心得，內容就下刪一千字，因你有興趣知我都冇興趣打，總之佢既結論就係滿意同好滿意～

唔....佢今日條裙都幾sharp唔錯唔錯，真係冇番咁上下瘦點可能著得咁sharp，要相既自己搵我。
配件有HUAWEI MatePen($599)及幫助MateBook連接到外置裝置的MateDock($699)，值得一提的是MatePen，充電一小時就可用100小時，可作Laser pointer、Presentation clicker及手寫筆用，而作手寫筆時似乎效果仍好，大會即埸安排的人像掃描也有滿意表現，當然model好都係要加分既。

你問部機好唔好？好！非常好！人靚機掂梗係好架~
香港版本暫時係4GB LPDDR3記憶體配128GB高速固態SSD硬碟及Windows10家用版，但機身接口只有3.5mm耳機介面同USB TypeC介面，好彩MateBook隨機附送TypeC轉MicroUSB線同MicroUSB轉番傳統USB插頭，另外臨走睇多一眼，仿皮保護套連鍵盤係ok靚，扮型唔錯，真係換塊紙皮放係皮套入面都呃得下人，而加番鍵盤既Matebook其實外型同一部正式既notebook冇乜分別，拎去做presentation都問題不大。
更多最新的飲食資訊在我的Facebook page，請給我一個like