旺角-親民價焗芝士龍蝦 文字

DINENFOOD於 09/02/2017 發表 收藏文章
好耐以前都食過呢間焗之專門店「新森林焗之專門店」,但最近新推出左不少焗飯款式,當然要去食下啦,呢間餐廳以平民化價錢推出好多不同的款式,價錢超經濟抵食。


聽聞芝士龍蝦焗飯好正,當然要叫一個黎食啦。最後就點選了:「開邊芝士焗龍蝦伴松葉蟹膏芝士焗飯$78」、「深海鱈魚柳白汁芝士焗飯$52」、「三重奏拼盆$28: 迷你安格斯牛肉芝士漢堡、香辣雞肉焗招牌芝士大啡菇、是日甜品」、「三重奏拼盆$28: 黑咖哩雞中翼 、麻辣胡椒魚肉豆腐 、是日甜品」、「奶茶紅豆冰+$6」、「巨蜂提子蜂蜜+$8」。


「開邊芝士焗龍蝦伴松葉蟹膏芝士焗飯$78」賣相超正超吸引,雖然係開邊龍蝦,但以呢個價錢真係好抵食,好多芝士鋪面,最欣賞係以蛋炒飯為焗飯底,除了有西蘭花,仲有蟹柳帶子等配料。味道食落不會過濃過咸,炒飯底食落粒粒分明。


「深海鱈魚柳白汁芝士焗飯$52」滿滿既焗飯,有兩人塊鱈魚柳鋪面,亦都有好多芝士鋪面,亦都係以蛋炒飯為焗飯底,有西蘭花等配料。味道食落不會過濃過咸,炒飯底食落粒粒分明。


「三重奏拼盆$28: 迷你安格斯牛肉芝士漢堡、香辣雞肉焗招牌芝士大啡菇、是日甜品」迷你安格斯牛肉芝士漢堡賣相幾精緻,細細個咁,內裡肉質不會過乾過韌,味道不錯。香辣雞肉焗招牌芝士大啡菇份量大件,用上雞肉粒芝士混和鋪面焗製,帶有少少微辣,食落Juicy惹味。是日甜品就是Brownie布朗尼蛋糕,好香濃朱古力味,口質不錯。


「三重奏拼盆$28: 黑咖哩雞中翼 、麻辣胡椒魚肉豆腐 、是日甜品」黑咖哩雞中翼幾特別的配搭,用上黑咖哩,不算太辣,雞中翼煎得剛好。麻辣胡椒魚肉豆腐亦都是辣的款式,魚肉跟豆腐釀造,煙韌的魚肉配上豆腐軟滑。是日甜品就是Brownie布朗尼蛋糕,好香濃朱古力味,口質不錯。


「奶茶紅豆冰+$6」用上外賣杯盛載,茶味都算足夠,紅豆份量超多超足料。

「巨蜂提子蜂蜜+$8」賣相幾特別,酸甜的提子味。

「餐牌」我已經影左上載至openrice既「餐牌」入面啦,方便大家查閱相關菜式。

新森林焗之專門店
網址: https://s.openrice.com/QrbS0yWw000
地址: 旺角 通菜街2W號地下
電話: 2332 5233
收加一服務費

----------------------------------------------------------------------
Dinenfood
生活就是享受. 到處吃喝玩樂. 分享各類資訊
Facebook: https://www.facebook.com/dinenfood/
Instagram: https://www.instagram.com/dinenfood/
Email: dinenfood@gmail.com
Whatsapp: +852 6718 6106

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→