【食 ❤ 荃灣】🍵唔一定要一早飲 ❤ 點心都可以夜晚食 。★。

飲茶,或者係一種情意結
係兒時好憎飲茶,覺得要坐係一個地方
坐粒幾兩粒鐘,然後個阿媽又要你幫手搶點心
最多比你食個椰絲Jelly糖或者椒鹽魷魚絲?

時代變,搶點心呢樣野已經冇左
改為畫紙仔叫點心
同時飲茶已經唔係只係酒樓同要日頭先有得食

好似早前我有個舊同學係外國番黎放假
問佢番到香港最想食啲咩
佢即刻話要飲茶,係外國飲既茶點都唔及係香港食咁好味

既然係咁,我就決定帶佢去荃灣呢間
全記點心試下啦

全記點心,其實係之前葵芳番工個陣都有幫襯過
之前成日係地鐵站口個間連鎖點心店
好多時都話冇呢樣冇個樣
所以夠時間既話都會兜個圈去買

咁岩前排行街個陣見到原來仲有一間全記係呢頭
就一於帶朋友黎試下啦,
餐廳既裝修好光猛同時亦做得好懷舊感覺
牆上掛有不少點心既名稱
而卡位上仲有特別既設計
就係好飲算盤上既珠珠
小PQ玩得幾開心,但會嘈到人地

唔知點解人愈大反而更愛飲茶,
飲親茶又唔知點解好似唔洗錢咁叫
但係又係食得曬架啵...

分別有左上 鳳眼餃$29
這兒的鳳眼餃是招牌菜之一
佢地既餃整出黎比較酒樓的是皮薄通透點
加上啖啖蝦肉,蟹籽及黑松露
難怪是它家的招牌茶之一呢

牛肉球 $18
小妹我本身就是最愛吃牛肉球,每次飲茶都必叫的
但係通常你酒樓都係食得出是用左鬆肉粉弄成的
但係今次呢間吃得出,它們也蠻真材實料的
因為是吃到啖啖牛肉的味道嗎

菜苗餃 $22 及 蝦餃 $28
同樣皮薄的,重要是它家的料也是蠻足的唷
雖然真係比平時酒樓仲要貴左少少XDD


除左蒸既點心外,外國回來既朋友最掛住都係酒樓既煎炸食品
我先話你係外國唔係日日都係薯條薯角同Buger 架咩
佢話咁你每日食飯係唔係出街唔食呀?

好似講得好有道理,佢話煎炸野最好味都係食蘿白糕馬蹄糕
講起又覺得係,始於自己煎既糕
點都唔及係酒樓或者呢度煎既好味
蘿白糕 $18/客

由於當日我已經成面粒粒,所以d 炸物都係淺嘗好了
炸雲吞 $19 / 煎堆仔 $20 /蝦春卷 $25

煎堆仔一小個,一啖就可以吃下肚囉
入面係奶黃,重點是流沙奶黃
一咬開之後煎堆仔奶黃慢慢流出,
不過吃一個是蠻夠,相當吸晴的!


最後終極真係要介紹,呢個係點心紙入面冇架
係要特別另外叫架,呢個好似灌湯餃既食品
它是黑松露芝士蟹子灌湯包 $38/客

呢個灌湯包除左份量夠之外仲要係好夠芝士
我本身係一個芝士控,食到呢個芝士餃簡直係大滿足
首先表面係同鳳眼餃一樣有蟹籽同黑松露之外
打開灌湯包後內有蝦及豬肉,連同黑松露既香氣同埋芝士一同入口
如果是剛剛一開始來吃就一定可以一個人吃一個的!!
絕對必推介的黑松露系列食品之一


除左今次介紹既食品之外,我真係有一款要推介的
就是藥膳鳳爪 ($24)
平時係酒樓食呢D就覺得好似普通食鳳爪一樣
但係今次呢一款,雖然呢款鳳爪得4-5隻左右
但係最估唔到當中既藥膳湯汁真係可以當湯咁飲
加上鳳爪好入味但係唔似平常鳳爪的咁章住個口
亦係估唔到咁好食,呢個亦係值得推介的!

不過要講一下,其實飲茶最重要都要個杯茶
係全記就係唔係有咩茶葉沖係好似酒樓咁
反而係用陸羽茶包,亦只有鐵觀音同埋普利茶
雖然飲開茶既人都知陸羽係不錯既牌子
但係飲茶都係要一壺壺咁先好架嗎...
就係呢個最美中不足既地方囉

是日分享:
全記點心專門店荃灣兆和街16號地舖
(千色後門出後見到中銀,直行個條街就係啦)

希望你地都喜歡小妹既介紹啦
想隨時留意小妹及小PQ生活點滴同Blog 文分享

記得要Like 我既專頁啦

↓↓↓↓↓↓↓



◕‿◕如有任何問題歡迎聯絡小妹
電郵:manman811@gmail.com

以下地方可以找到小妹架^^
BlogSpot ❤ Instagram ❤ OpenRice ❤ FB 專頁
TheZtyleBeautyLifeShe Blog
U BeautyBeauty Exchange
標籤: 全記點心  荃灣  夜茶  點心  

留言


請按此登錄後留言。未成為會員? 立即註冊
    快捷鍵:←
    快捷鍵:→