【2017❤旅遊】 夏之遊✈️大阪 ♬ 京都巴士一天團(伏見及清水寺)


轉眼搭入11月份,這個2017 年好快就會過去
今年我好幸運可以出走左二次,
連同GOGO 歲半人仔都可以搭左二次飛機
再飛都應該係下年,或者係再一次既家族旅行吧?

係五月份,媽我心血來潮想出走一下大阪
主要是想補回剛剛想買機票時發現了有GOGO
老公就唔敢帶我陀住阿仔搭飛機,
就係咁.....原先既大阪之旅就足足拖左年幾兩年啦

今次既快閃之旅,主要目的亦係想帶GOGO 一齊出走
同時好想再去多一次京都,因為當年去京都著和服又凍又落雨
影相都影唔到,又凍男人又發曬脾氣咁

所以今次黎到大阪既其中一日既行程
我就搵左一個一日團,超抵的!!!
因為一日去曬四個京都既景點
重點係可以係梅田/難波接送過去京都
慳左搭車時間同轉車,重點係我仲要帶住阿仔
所以當時呢個JPY 2000係好抵玩
(大約港紙$140-150 以7兌計)
http://traveltojapan.hankyu-travel.com/tc/exprepo/kyoto.php

由於我地既酒店係難波既方向,
所以我地揀左係難波站等
當日為左京都之旅,麻煩朋友幫我買左呢個浴衣
食埋早餐,準備出發!!!


咁我地既既集合地點係難波Park 既停車場
其實去到附近都會有一日團既職員搵大家架啦
不過由於附近都係不少既一日團既領隊等緊
所以最好就顯示番大家訂左既電郵比領隊/職員望望啦
仲有,我地參加既一日團係有指定位比大家坐
所以大家都要留意一下


見到一個個紅色既烏居,大家應該估到
我地既第一站就係伏見稻荷大社
真的絕對好莊觀,行過一行又一行既紅色鳥居
或者唔係今次既一日團,
我地自己真係唔會專登過黎參觀
(逗留時間:大約是30-40Mins)


加上Gogo 當時岩岩學識行路,
係呢個旅程,當然放佢開始自己行下
順便比媽咪我同佢影下相啦
不過一比佢學識行路之後,我完全覺得係失控


一場黎到神社又點可以唔參拜一下先
拎水洗下手潔淨一下先

如果有時間,記得係神社出面既地方食下佢地既小食
其實呢一杯士多啤梨沙超好味
重點係即叫即整,有姿勢有實際
超好味的,唔記得係300定500日元


轉眼我地又轉到去清水寺啦
今次比起上次黎既時候一樣都咁多人
不過唔同既係,今次好天晴亦好曬
但同時唔建議大家拎車仔,因為好少機會比你有斜路
雖然我地落番黎係見到有個位置可以比輪椅人仕使用
不過清水寺實在太多沙石啦,用揹單係會方便好多
(逗留時間:大約是50-60Mins)

仲有係唔包入清水寺既費用,寺院而家裝修緊
直到2020 年重開,但係仍可以內進既
因為上次我地去左參觀,今次唔去啦


一到清水寺,多左好多人著浴衣
Gogo 呢套衫亦即時有好多姐姐話攬下佢影相
果然朋友仔買既呢套衫貴得黎真係好吸晴
而阿仔當時岩岩學識行路,著住呢套浴衣好過隱

當然捉番住我仔去影番之前落雨完全影唔到既景點啦
一月黎同六月黎真係兩個唔同既感覺
起碼今次黎到係熱但係會清爽既熱
加上好靚既陽光,係可以影到好多靚相
點解...當日我唔著和服!!


最後清水寺既相就黎到呢到,呢一張相原來係好有意景
我想叫阿仔行,我企係度望住佢...
點知阿仔未行得隱,阿媽就好似捉雞仔咁既樣
其實係因為當時係斜路,又驚佢跌落地
不過今次我老公都好似影得幾好
雖然有好多相都係影完又影既...


今次旅程最大得著要講既一定係我仔
係旅行之前已經學識行路
呢個問題其實我好擔心,因為好幾個同日既BB
都已經行得好隱,但係gogo 仲係連行一步都未識
不過都係個句,小朋友既成長有快有慢
好似而家既我,反而想小朋友唔好大咁快
因為當佢愈大,除人會愈曳之外...
真係會覺得佢離開你既時間會愈快

Gogo 媽咪總會係你既後面支持你,保護你!


下一次親子遊再介紹埋,另外兩個京都景點
金閣寺同埋嵐山

日本大阪親子遊 2017
酒店: Hotel Hillary 介紹
松乃屋豬扒定食店
天王寺動物園

希望你地都喜歡小妹既介紹啦
想隨時留意小妹及小PQ生活點滴同Blog 文分享

記得要Like 我既專頁啦
↓↓↓↓↓↓↓

◕‿◕如有任何問題歡迎聯絡小妹
電郵:manman811@gmail.com

以下地方可以找到小妹架^^
BlogSpot ❤ Instagram ❤ OpenRice ❤ FB 專頁
TheZtyleBeautyLifeShe Blog
U BeautyBeauty Exchange

留言


請按此登錄後留言。未成為會員? 立即註冊
    快捷鍵:←
    快捷鍵:→