【成長日記】♬放電好去處。一個價錢全日任玩❤室內遊戲室Fun Zone ♪゚

當小朋友愈大,而你想每晚都有覺好訓

就一定要帶佢去放電,最好放盡曬佢既電
但係要知道有時天氣既影響,真係未必下下都可以去到公園
真係唔係有小朋友,都唔覺得原來香港既公園真係唔係好多

以前真係一落街就有N個公園,
而家分分鐘要去隔離村先有個大大既地公園玩下
雖然我地住既地址都有個幾大既公園
但係由於我收左工去得玩都好夜啦

即使放假呢排太凍啦,都唔敢留係室外太長時間
早前見到朋友POST 左D 相,係室內遊戲室
仲話一個價錢任玩,聽落好似幾爽皮
一於就去下呢個有三間分店既FUN Zone 玩下啦

今次我就揀左位於馬鞍山分店既Funzone 啦
位置係雅濤居既二樓,可以係大學站搭小巴
或者搭馬鐵過黎都好方便

而價錢方面,好似我呢d Working Mama
就一定係揀假期/紅日啦,就好似當日
我地就係$110/成人加小孩
加多$60 比爸爸入場,咁就可以兩個交換睇下


咁整個室內既遊戲室,有開分兩個位置
一面就比較大型少許既活動場啦


一面就係BB 位置(For 3歲以下小朋友)
咁一黎就開始呢個BB Area 玩下先,
雖然睇下個範圍唔係好大
但係都真係好多野玩,只係d 玩具已經好多好多


硬件已經好多,亦有好多肌肉訓練玩具
當然少不了有好多小孩玩具啦
連滑梯都有兩條玩,有一個就係Gogo 玩緊呢個

看似好簡單,Gogo 玩左呢個滑梯
玩左足足15mins ,媽咪叫左佢走左好耐都係唔肯走
其實小朋友一個好玩既玩具已經可以玩好耐


係BB 區入面仲有一個看似好簡單好普通既滑梯
但係其實都幾斜同有速度既滑梯
加上都幾線架,所以就Gogo 玩左一次就放棄啦


係時候我又開車去番大既區域啦,
小朋友特別喜歡呢d車仔,
坐完呢架又要坐另一架


第一站我地揀去左玩波波池,呢個波波都算大架
不過一定要安排小朋友係最入面
因為一定有不少既哥哥姐姐會突然間跳入黎
踩到小朋友就唔係咁好啦


然後就唔係放Gogo 既電,係媽咪既電啦
因為呢個大型迷宮有兩層既,仲要有d 好似
障礙物等等既東西係度
真係大d 既小朋友都要睇住
可況Gogo 呢,如果成日黎玩媽我應該減到肥


完全運動型障礙賽開始囉!!

最後比埋小朋友用腳仔彈下琴仔就離開啦
係琴仔隔離有個小彈床,由於當天都有不少小朋友係度玩緊
咁就冇比小Gogo 入去彈兩下啦,或者下次再過黎啦


今次既活動場地為Fun Zone
係馬鞍山雅濤居二樓
我地就係大學站落左火車係對面小巴站
搭807B/K小巴去到福安花園站
落左車向後車(望到間小學既棒球場好似)
再轉直行第一個商場就係架啦

想了解更多Fun Zone,可以到佢地既官網查詢
https://www.facebook.com/funzonehk/

http://www.funzone.com.hk/

就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!

Contact me:manman811@gmail.com
IG: angelbaby811




留言


請按此登錄後留言。未成為會員? 立即註冊
    快捷鍵:←
    快捷鍵:→