【食。尖沙咀】又到星期五TGIF ♬女生時光盡在百樂酒店 ✿

真的很久沒有吃過自助餐/放題
要知道帶住一個小朋友吃放題食品絕對係
一件玩自己既事,不過今年吃自助餐
主要係因為想同朋友加小朋友既生日
所以今次呢場生日飯,其實係一位給媽媽放鬆的小時光

今次食既地方就係壽星女決定既
朋友好好,佢揀左一個岩曬各位朋友既地方
就係位於鄰近尖東方向既百樂酒店
今次朋友話酒店近來既主題係
味嚐『鮮』、『鮑』海鮮自助晚餐
咁一定係食海鮮為主打仲有鮑魚啦

進入餐廳後,就看到滿滿的甜品在召喚我
不過我依然都係先吃冷盤既人先
所以就甜品內們等我呀!!


門口既甜品部,真係好吸晴連Gogo都係咁指住蛋糕,
不過我地點都要搵個位置坐好安頓好先可以準備開餐
當做左媽媽後就會知道,想食野?
首先要照顧好身邊既大少先可以

所以我第一步就去揀左煮湯粉既地方
可以比GOGO 食住D 湯粉等我再出去食下野呀嗎
配料方面主要係丸類,而我就左揀隻要隻蛋比小朋友食
如果有老人家想食D 熱食,麵檔絕對係好岩既

而我係度等緊煮粉既同時,就比呢個燉湯吸引住
一路係度等就見住一盅盅既燉湯比人拎走
一陣陣既香味又傳係我身旁,最後我決定先拎走
一盅番埋位再拎個粉比Gogo

今次我呢個盅湯係
"猴頭菇花膠鮑魚螺頭燉雞湯"
認真平時我食自助餐真係絕少拎湯品
因為好多時都係會係帶點味精既
但係今次呢個湯品除左足料之外仲好夠味
而真係冇落"帥父"落去湯度,真係好味到我飲左兩盅呀


回到位置不久就看到有店員送上一碟既磯燒鮑魚
是每位一客既,不過如果醬汁是放在旁邊會更好
因為醬汁好似搶左鮑魚既鮮味
不過細細件都煮得蠻軟淋的

當然冷盤方面都一定有沙津Bar 啦,
如蟹腳,螺肉,青口等等
雖然我影時好似冇咩咁,其實佢地好快就會增添架

係日式刺身壽司檔位,其實仲有呢個蠔可以食架
不過有個地方就係,佢唔係即開即洗
係已經開左及已清洗了
同埋好似有幾款不同品種,
但係對於我呢D唔係特別好"好"某品種既
又唔會特別影響,不過係可能擔心冇咁新鮮

而呢度亦比較吸晴既地方係可以任飲野
例如橙汁,咖啡,紅茶,洛神花茶等等
凍熱都有提供,真係慳番要買飲品既錢錢

係甜品方面真係最吸引最開心地方,就係
任‧食‧Movenpick 既雪糕呀!!
小妹我自從吃過一次之後就不能放棄
仲要有差不有成10款味道任你食
又可以揀自己整既窩夫,一齊食
你出去叫個咁既甜品都分分鐘6X蚊
而家可以任食任叫,最重要你食得落


當然甜品既蛋糕真係好吸引,有好多不同既款式
不過真係實在太多款式,我都食唔到太多既蛋糕
都係朋友拎左番黎時,每款一齊試幾啖咁
因為真的唔想浪費食物嗎


朋友見面真係吹水多過食,
加上又要照顧小朋友,佢唔食d 野我又要接手食埋
好快我就好飽肚,不過有一個龍蝦汁繪飯
真的好好好好食,但係我影得太肉酸啦就唔係度分享

但係佢真係好好味,但同時好"濟胃"
不過如果係大食人仕,胃口比較好既朋友一齊要試下
雖然佢地款式唔算係好多元化
不過優惠都有不少的,除左係Openrice 訂枱有折

生日優惠都有架,好似當天有朋友生日
朋友就是可以享有半價,同行者更有七折優惠
難怪當天仍有咁多人到訪餐廳啦

味嚐「鮮」‧「鮑」自助晚餐(每天晚上6時30分至晚上9時30分)

星期一至四:成人HK$488 / 小童HK$328

星期五至日、公眾假期及前夕:成人HK$518 / 小童HK$338
全部再另加一收費,並以原價計算。

是日分享:
香港百樂酒店
地址:尖沙咀漆咸道南61-65號香港百樂酒店4樓

※本文以用餐當日的環境、服務和食物質素為準,
口味亦因人而異,文章只作參考之用。

就這樣完結啦,下次再見!(拜~)

◕‿◕如有任何合作事宜.

歡迎以電郵或者到FB PAGE找我 ◕‿◕

謝謝唷!

CONTACT ME:MANMAN811@GMAIL.COM

IG: ANGELBABY811

[b]

[/b]

標籤: 百樂酒店  生日飯  酒店  尖沙咀  

留言


請按此登錄後留言。未成為會員? 立即註冊
    快捷鍵:←
    快捷鍵:→