偽影評 - Gifted 《天賦的禮物》 文字

偽品味 真鳩噏於 14/05/2017 發表 收藏文章

Photo source: imdb.com

差唔多成個月對任何電影寫過一隻字,筆者近來狀態有啲fatigue。唔好話寫,睇戲都有啲懶。
依排其實上嘅戲有好幾套都有啲興趣,但係Gifted絕對係其中我期待得最耐嘅。

由美國隊長Chris Evans搭天才童星Mckenna Grace主演,故事講述舅父Frank响數學家家姐Diane過身之後,獨力撫養7歲嘅外甥女Mary。
為咗唔想Mary重蹈Diane痛苦嘅一生,佢努力希望帶俾Mary一個平凡嘅生活。
但係當Mary開始返學,佢數學嘅天賦就無辦法再被忽視,亦引起Frank同Diane嘅阿媽嘅注意,要求帶走Mary,栽培佢成為第二位Diane。

套戲嘅trailer起碼三個月前就出咗街,筆者好記得睇完見到個上映日期係5月即係屌咗一聲。

Chris Evans當然係筆者其中一位favourite (雖然不及Sam Claflin),佢留鬚個樣真係無得頂。
但係套戲最好睇嘅係Chris Evans 同Mckenna Grace之間嘅火花。
Mckenna Grace做依個天才𡃁妹角色好似真係inborn就係咁,得得戚戚,醒目到爆,但係心腸又好好。
我覺得响演活角色嚟講,佢今次嘅演出比Room嘅加拿大童星Jacob Tremblay就更出眾。
佢同Chris Evan同佢隻單眼貓Fred嘅生活唔係有啲咩特別,但係就溫馨兼搞笑。

依套小品當然亦不乏催淚位,見到Mary問Frank係咪唔要佢嘅時候眼淚真係忍唔住。
筆者覺得依種「父母唔鐘意自己」/「父母唔在乎自己」嘅感受,大家總會有過,好有共鳴。

雖然唔係啲咩新鮮故事橋段,不過作為小品絕對值得一睇。

P.S. 睇過一個訪問,你見到Chris Evans同Mckenna Grace嘅互動,就知其實佢哋點解可以咁有火花。

Here you go:

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→