你識唔識設計特色牆

裝修佬話你知於 10/02/2018 發表 收藏文章
裝修得再靚嘅屋企,都會被白雪雪嘅牆面大打折扣,型格個性同單調乏味係一牆之差。想要創意有品位嘅效果,首先你要識得運用。以下裝修佬同大家分享幾種常見特色牆設計,一齊睇下有邊款幫到你!


貼紙

最簡單實惠嘅裝飾方式,就係牆面貼貼紙,唔好以為咁做會顯得無睇頭,其實,貼咗貼紙後另有一番風味。


裝飾物

如果你係Figure愛好者,屋企每幅牆都係最好嘅展示空間,節省飾物櫃空間,將心愛玩具擺上牆身。既可更好觀賞又可以節省空間,一舉兩得。


裝飾畫

裝飾畫風格款式眾多,如歐式油彩畫、中式水墨畫、或其他風格圖騰裝飾畫,選擇裝飾畫需根據家裝的風格來定。如果牆面空間較大,可以選擇連組畫,望落內容更加豐富,效果上亦會多添趣。


儲物格

想要裝飾白色牆身,除咗可以係牆身掛裝飾畫,仲可以係牆身上安裝形狀新穎具有特色嘅儲物格或者置物架,唔單止有裝飾作用,更能夠擴大收納空間。如果牆身空間比較大,或者想要提高牆面收納能力,則可以選擇井字形狀儲物格,兩側延伸出擱板還能額外擺放多D小擺件。


相片牆

相片牆係裝飾牆身唔錯嘅選擇,大小形狀不一嘅相框,令牆身充實豐富嘅同時,令家中增添溫馨回憶。相片牆可以設計係大多數空白區,如走廊、梳化背景牆、電視牆等區域。如果你想令相片牆望落更統一美觀,亦可選擇旅遊相片或色調一致嘅相片,咁做整體色調更加整齊劃一。


功能牆

如果屋企有小朋友,就一定要考慮到小朋友鐘意發揮無限創意嘅藝術細胞,與其之後要辛苦清潔牆身,不如成就佢地,用Aquapro白板漆油上牆身就可以成為一幅白板牆身,想畫就畫。



(以上圖片均來自網路,如有任何版權問題,請與本站聯絡)

原文連結
《FanPiece 小劇場》 - 辦公室政治犯ep01

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→