屋企立立亂? 裝修佬幫到你! 文字

裝修佬話你知於 11/02/2018 發表 收藏文章
唔夠儲物空間,呢個問題相信困擾著香港大部分市民。想裝修出一個別樹風格、時尚美觀嘅家居環境並唔難,儲物收納先係所有家居裝修嘅重中之重!唔想屋企立立亂,最緊要識得運用屋企每吋空間,應該由邊度入手呢?裝修佬話你知。


磁鐵吸附

唔少人係廚房牆身內放入磁鐵用以吸附刀具,同樣嘅磁鐵吸附方法亦可以用係金屬質地嘅調味樽。


妙用文件盒

女士們通常會有多個手袋,而唔常用嘅手袋嘅結果通常會被其他手袋壓到變曬形。不妨利用文件盒、塑膠籃等作為手袋收納工具,好處係可以豎著擺,同時,廚櫃亦可以用文件盒同塑膠筐將保鮮膜、備用枱布用來收納,即使置於高處容易取用。

活用家中死角位


利用死角位收納,最高境界係收納咗都完全睇唔出!譬如梳化背面用來掛裝飾畫嘅空間,不妨加設一個加蓋木板嘅凹槽,用來放置靠枕、枱布、雜誌、書籍等再好不過。


枱角藏玄機

其實,無論房間幾細,都會有「暗角」收納能力超出你嘅想像,譬如飯廳枱底下其實可以用作收納書、雜誌、文具等。

立體收納

聽落好似好高深,其實就係將把好深嘅櫃分成前後兩部分,前面專門放每日都需要接觸嘅常用物品,後面可以放使用頻率低嘅物品。


掛鉤係神器

收納利器一定係非S型掛鉤莫屬。櫃門內側係最合適吊掛式收納袋嘅地方,關埋門就見唔到,譬如櫥櫃門內掛廚具、鞋櫃門內掛拖鞋等等。

小家電收納

電飯煲、麵包機、打蛋器、攪拌機等等一系列廚房小家電,放係滑動式抽拉櫃入面,會令廚房望落清爽唔少,而且滑動抽拉櫃會令日常使用更為方便。



(以上圖片均來自網路,如有任何版權問題,請與本站聯絡)

原文連結
【球迷世界 X Futbol Trend 睇波之夜 — 曼車大戰】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→