裝修佬話你知:4種唔清洗會危害健康嘅家居用品

裝修佬話你知於 08/12/2016 發表 收藏文章
舒適嘅家居環境令我地生活更寫意,但你住緊嘅地方係咪真係乾净呢?由於細菌肉眼不可見,隨時影響身體健康,所以,應該加强衛生情況,減少細菌入侵機會,以下裝修佬同大家分享4種應定期清洗嘅家居用品。


雪櫃,夏季每月清洗一次

及時有效清理雪櫃,可以令食物保存得更長久,同時減少雪櫃嘅異味,對健康更有利。

裝修佬建議最好每月清空雪櫃一次,將過期、不宜再存放嘅食物棄置,徹底清洗雪櫃,清洗時注意用暖水或中性清潔劑抹雪櫃內外,如果有異味,可先用稀釋過嘅漂白水清洗,然後再用清水抹一次, 或可以用咖啡渣、茶葉渣除臭,將用過嘅茶葉曬乾,以容器盛裝好放入雪櫃,就可以吸走異味。其他如梳打粉、榨完汁嘅檸檬亦係天然嘅除臭劑,每1~3個月換新便可。   

洗衣機,兩到三個月清洗一次

新買洗衣機用半年後,每隔兩三個月就應該清潔消毒一次,清洗時,最好用專用清潔劑,亦可用梳打粉同白醋清洗。

洗衣機先放滿水,加入1小杯梳打粉,等洗衣機轉動3~5分鐘後,浸至少30~60分鐘,將水放走,再放滿清水,係清水加入約300毫升白醋,等洗衣機轉動幾分鐘後,浸30分鐘以上,再用清水洗一次即可。

冷氣,使用前後都要洗   

轉眼就快到冬天,冷氣嘅使用已經逐漸減少,但用咗成個夏天嘅冷氣機積聚咗好多灰塵細菌,如果無清理下次使用時會加大清洗難度。   

冷氣機構造簡單、清洗方便,每年秋天天氣轉涼,冷氣唔再使用嘅時候,應將濾網擰出來清洗晾乾,等到第二年夏天再用之前,最好再清洗一次,如果用水沖唔乾淨,可以用軟毛刷輕輕刷洗。  

紗窗,半年一次   

紗窗係房間同外界阻隔嘅唯一屏障,但紗窗用耐咗,會積聚污垢塵埃,污染室內空氣。   

將紗窗拆落來用清水沖洗,先係地下鋪報紙,再用軟毛刷刷走灰塵,清洗廚房紗窗時可以用清潔劑,在用刷刷洗乾淨即可。如果污漬比較頑固,取適量洗衣粉、少量牛奶同水,放係一起攪勻製成清洗液,用軟毛刷塗抹係紗窗上,等5~8分鐘後再用清水沖洗,就會非常乾净。

(以上圖片均來自網路,如有任何版權問題,請與本站聯絡) 

原文連結
標籤: 家居冷知識  電器  家居用品  清潔  
《FanPiece 小劇場》 - 辦公室政治犯ep01

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→