[有口難言 - 箍牙BUDDY才能明白的苦況] 😣

箍牙的確係比較經濟又實際改善外觀既方法, 然而, 當中既苦, 果種辛酸又有誰共鳴呢? 大家都可以回應一齊呻下架!!

<<嚇路相逄 👻>>
傳統既鋼牙方法, 箍友一E起棚牙除左令人驚驚外, 仲會成口痱滋, 食野係 "吃一口痛一口"。日日用漱口水啷口都唔得, 唯有餐前餐後狂搽無藥力既痱滋GEL止痛……

<<保持箴默 >>而家終於有隱形牙套, 雖然已經叫做舒服過傳統鋼牙, 但係第一次戴都酸痛幾日, 唔想食野, 果種由內而外再由外而內既痛, 連講野都唔想。

<<癡脷筋 >>
俗稱「癡脷筋」的嚴重程度，確實係因人而異，不過佩戴牙套初期，說話有時都會口齒不清，講英文或普通話的話，發音問題就更嚴重！見賤少少既朋友仲會學自己癡脷筋講野: "鵝TEN唔到你講MEN喎?! (我聽唔到你講乜喎?!)"

<<無限輪迴 >>
有戴隱形牙箍的人都會知道，牙套是每2星期更換1次。每次更換新牙套時，就代表牙齒要矯形1次，即是又痛1次。。重複又重複咁跌落痛苦既輪迴啊.............

<<力不從心 >>
太硬、太韌的食物例如牛排、魷魚、蟹等，毫無牙力咬落去，進食時，只會覺得力不從心，咬黎咬去都未能咬碎仲要忍受牙矯型既酸痛。湯圓，糖不甩，想都不要想，會黏着牙套，感覺極為嘔心！

<<攝牙罅 >>箍牙期間，牙縫會變得比較疏，所以食物殘渣很容易會留於牙縫間，野野攝牙罅, 清理仲忙過食飯。

<<認命MODE >>
你以為箍夠兩年可以扭轉命運?? NO....戴固定器囉唔該....
牙醫會窩心提醒貴客戴Retainer，否則排牙會走位，前功盡廢！
(P.S. 如使用隱形牙套, 固定後期約需佩戴43個牙套，2星期1個）

<<釋放🤗👏>>
由第一日戴牙套到除去固定器, 時間因人而異, 但當由牙醫講比自己聽終…終..終於可以脫離箍友行列，果種感覺係非筆墨所形容, 真係要熱烈地彈琴熱烈地唱咁慶祝，全世界為我歡呼喝采!!
**誠邀你FOLLOW此BLOG外，分享及推介比你身邊既朋友知啦~

-----------------------------------------------------------
Source: 文章網絡參巧及個人箍牙感受分享; 圖片由網上截圖
撰文: 細LING