[KJFOODLIFE 尖沙咀] 蒸籠避風塘軟殼蟹 搵岩地方嘆番杯


放假緊係要嘆番杯,最好緊係揀番間唔太遠,環境又唔錯,仲要有得食餐好既先再飲下野,咁先叫做享受假期。





成個感覺都好好,外面有得坐住傾計飲酒,雖然天氣熱熱地但兩三個人坐下都幾正,如果想食野就坐入面喇,一入去就見到大大個酒吧,上面放左一啲白色既蝴蝶仔做裝飾幾靚。





入面都有好多幾有特色既裝飾,門口有個窗框上面放左幾隻假雀仔,入面都有一個模擬睇到街外景既裝飾,其實都幾做緊有香港既特色。





一見到呢個就諗住叫,《美國安格斯牛肉芝士煙肉煎蛋漢堡》($128),大大個漢堡包哄過香脆,煎蛋蛋黃整穿好多蛋汁,牛肉叫左五成肉汁夠多唔會乾爭爭,加上香味十足既煙肉更好食。





呢度一個特色菜,《避風塘軟殻蟹》($98)用上左中式蒸籠夠特別,軟殻蟹兩隻都好大隻啖啖肉,炒到好香有辣味入埋仲撈左脆片。




另一個主食《鮮蟹肉煙肉海膽汁扭捲粉拌鮮海膽》($188),扭捲粉長長地又有啲咬口,蟹肉都好多上面有幾舊海膽,意粉既汁亦夠濃香。




呢度好多特式既野飲,《Between Your Tea》($138)成個茶壼既擺設好中式好優雅,好似人地拎黎嘆茶咁,入面有Gennaicha Infused Gin陣酒味好濃,熱辣辣既酒加左橙同葡萄柚。




另一杯係Mocktail《Right Place Tour》($98),都係熱飲用左中國茶杯,感覺好懷舊,飲落甜味重加左蘋果同桃茶。


店名:The Right Place
地址:尖沙咀寶勒巷17-19號地下

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎報料同合作:
Email: kjfoodlife@gmail.com
Mobile: 63525193

餐牌:





留言


請按此登錄後留言。未成為會員? 立即註冊
    快捷鍵:←
    快捷鍵:→