[KJFOODLIFE 上環] 韓國咖啡駐場 元創坊咖啡市集


復活節假黎到第三日喇,諗好今日去邊未呢,未既就去呢個咖啡愛好者必去既咖啡生活市集,入面有本地同外國既咖啡,仲有本地得獎咖啡師夠哂來頭。





話明市集當然有唔少既工作坊同示範,大家可以留意番個時間同埋日子黎睇同埋參加,當日去到就見到韓國咖啡店做緊咖啡工作坊。



最受歡迎係韓國精品咖啡店Bean Brothers,去得韓國一定要去咖啡店坐下飲咖啡,呢間韓國店已經有7間分店同埋去左吉隆坡開分店,今次係引入香港駐場市集。





咖啡豆係自家烘焙,仲有分男同女既咖啡豆,男既較苦,女既就花香較重。除左咖啡豆仲有好多唔同既精品可以賣,連衫都有得買。



睇見條長長既人龍就知道受歡迎,仲要咁岩去到既時候停電,最後都等左一排先開始再沖到咖啡,今次有兩款特色飲品,本來想試《Black Pana》,係加左咖啡酒同忌廉,見到賣相都好靚,不過已經一早賣哂。





最後揀左《Festival》($42),靈感黎自香港凍檸茶,見到有大隻既Oppa倒茶再加入濃縮咖啡,入面包含左紅茶,檸檬乾同爆炸糖,拎起聽到爆炸糖啪啪聲,飲落酸酸地好特別。






場内有唔少野食,呢間少女風既Favilla係製作自家冷泡咖啡,實行咖啡加花藝,叫左個甜品《Favilla Waffle》($68),窩夫偏淋身加上左HaagenDazs雪糕,再淋上Baileys啖啖酒香。


每日都有唔同既本地咖啡師駐場,仲要個個都來頭不少,包括哂頂級人物,好似拉花冠軍 Keith Tse,虹吸式咖啡冠軍Tiffany Chan等等,包你過足咖啡癮。


另一間長龍店就係ATOM,佢地既賣點就係環保咖啡同茶膠囊,係本地烘焙師開既店,即場有幾款唔同既Cocktail賣,實行將咖啡溝上酒,全部既賣相都有番咁上下。



當然市集就唔少得工作坊,大家可以參加同咖啡師交流下學下咖啡既知識,仲有唔同手作仔既工作坊都可以玩。


作為咖啡市集,主角當然係咖啡,大家除左可以嘆咖啡之外,仲可以用特製既器材去聞下唔同既咖啡豆香。


入到入面就有黎自世界各地既咖啡,呢度幾個攤檔都人頭湧湧,可以見到世界既咖啡整法同埋有試飲。






最多人排既係用沙加熱既土耳其咖啡,睇佢沖就好似睇表演一樣,望住咖啡師係熱沙上面整咖啡,之後再拉啡咁倒入杯好有觀賞性。




另外仲會有澳門古法瓦煲咖啡,一定聽過世記,將瓦煲咖啡帶到黎香港。仲有哥倫比亞咖啡,個咖啡師超親切,沖咖啡咁忙仲笑住俾我地影相。



仲有遊戲可以玩,你估唔估得豆呢,可以玩重量,睇下你有無咁勁可以整到果個重量,仲有唔同既禮物送番俾你。



除左咖啡之外,都有燕麥奶既店,走健康路線既Oatly,除左原味之外,都有唔同既水果味同紅菜頭,聽到都覺得健康呀。



仲有標榜天然既慕茶雪糕,配上左唔同口味岩素食者,不過之前已經去過舖頭食野所以今次就無試到喇。

活動:The Coffee Agenga 咖啡生活市集
參考網址:http://www.pmq.org.hk/event/the-coffee-agenda/?lang=ch
日期:2018年3月30日至4月2日 1200-2000
地址:中環鴨巴甸街35號PMQ元創坊

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖

歡迎報料同合作:
Email: kjfoodlife@gmail.com
Mobile: 63525193
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→