終於都有時間打大佬，去試呢間排超長龍既上海過江龍台式店，香港地地方細都用左簡約設計，不過感覺上就唔夠文青。
點會少得呢個招牌既名，大大個咁印左係店入面，用上左金字襯番個黑雲石底，都幾高貴下架。
大家要先落單之後先搵位坐，不過下晝真係好好好好多人，唔止搵位難，連單都要截左20分鐘等餐出咁啲先可以再落。
有國父既鏡像，寫上左天下為公既字樣，大家拎野既時候都可以望得到。
店內都用上左好多木系既設計，無論係枱定係裝飾既櫃都用上左木系，上面仲放左少少懷舊既鐘，牆身放左好多立體既工具同埋幾幅畫係上面。
野食都係即整，仲係好開放咁俾你睇到哂入面，見到都好乾淨同埋用具都幾新淨。
野食叫左《玉米蛋燒餅》($42)，一如傳聞係唔熱既，不過個皮幾穌脆同真係唔油膩，玉米蛋既配搭又包無死既。
另一樣係《熏肉蔥蛋飯糰》($34)，入面有一塊蔥蛋同埋一塊肉，感覺肉香味唔夠，唯一要讚既就係入面既油條真係好脆身。
試埋好少有既《鹹豆花》($32)，加左菜脯蝦米紫菜葱末，夾油條碎同蝦米最好味，不過食下就覺得幾油。
每日鮮製既《甜豆漿》($22)同《紅棗豆漿》($24)，一拎好熱底下有啲紅棗粒，飲落有豆味同幾滑紅棗味就較淡。
店名：桃園眷村
地點：旺角亞皆老街8號朗豪坊4樓01號舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
請按此登錄後留言。未成為會員? 立即註冊