K與我的對話(二)

Charis Hung-Life 於 18/01/2018 發表 收藏文章

世界上有兩種人:一種是All or Nothing的人,一種是退而求其次的人。

K:「如果要擁有,就一定要係心目中諗嗰樣。如果無,我就搵或者等到有為止。」
我:「但呢個世界係唔完美架嘛。如果你唔將就住要住啲嘢先,可能到最後就會乜都無。」
K:「咁我寧願唔要,好過要一樣唔係自己最想要嘅嘢。」
我:「嗰樣嘢可能唔係你最想要,但可能都有啲想要呢!咁擁有左可能就會有感情。」
K:「我唔會屈服架!一定要係心目中要嘅嘢!」
我:「求下你屈服啦!第時你遇唔到心目中想送俾我嘅禮物,都將就下買啲退而求其次嘅嘢俾我,我都會好開心架喇!」

不缺乏的人才能擁有堅韌又強大的心追求最好,這樣的人承受得起甚麼都沒有。
但一旦得到,那份滿足將是無與倫比的。
惶恐而焦慮的人沒有信心必定尋得著,因而甚麼都好過沒有。
已經受夠了空洞,請務必填塞那虛無。
但這樣的人要承擔的是,有時候你已經委曲求全了,但次品需要你付的代價卻和正品相同,甚至更多。

世界上有兩種人,一種是會後悔總想著回頭的人,一種是選擇了就畢直向前的人。
這次,剛巧我和K都是同一類人。
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→