日本 vs 韓系!旗艦電解水機 - 效能 + 濾芯用量大比拼上集

湯師傅新天地 於 14/07/2017 發表 收藏文章
電解水機熱潮近年在香港興起,市面上也有不少牌子俾大家選擇,不同產地都有,但以日本及韓國為主,價錢亦有好大差異,由3千幾蚊到4萬蚊都有。作為一個用家,都想分享下對呢兩個主流電解水機生產大國既產品有咩不同。(我買之前都比較過超過5個牌子,建議大家都去睇下實機,比較下先好決定)

Round 1:效能測試
講起電解水機既效能,好多用家及有興趣購買人士都立即聯想起電解板。無錯,電解板的而且確係電解水機的核心,網上亦有不少用家分享電解板既比較方法,本人亦不再多講。反而,比較少人關心既竟然係呢樣野 – 出水量。

講到出水量,排水口絕對係最關鍵既地方,而市面上既電解水機排水口一般分為兩種。
1.以一條連接住機頂既出水喉管出水
2.接駁水龍頭出水(即好似一般濾水器既出水方法)
(見下圖)

兩個出水方法都各有優點同缺點,韓系多數係機頂出水,而讓系就兩種都有。
一直在講出水量,一般黎講機頂出水既電解水機每分鐘出水量比接駁水龍頭出水既電解水機少,前者大多數每分鐘排水2.5-3.5公升,後者每分鐘排水一般可以高達4公升以上。
出水量同效能有關?
香港人最講求一個字 – 快!假如我要飲一杯水,因爲份量唔算多,其實出水量大小對時間影響不大,但係,如果要煲湯,可能韓系機頂既出水水機可能較費時。

另外,出水量也會影響水壓的問題。現時一般住宅的水壓大約5公升,出水量較低既韓系電解水機有機會因爲入快出慢既情況令水積左部機入面甚至谷爆個濾芯。出水量較高既日本電解水機相對上呢個問題不太明顯,而且部分水龍頭出水既日本電解水機設有排氣口,水壓過大會提示用家關細水喉,這點也非常重要!

總結:日本電解水機做工比較細心,日常使用效能比同期同級韓國電解水機好,但現時韓國電解水機款式較多,設計亦新穎,買日本定韓國機都要視乎個人及家庭需要。

留言


請按此登錄後留言。未成為會員? 立即註冊
    快捷鍵:←
    快捷鍵:→