兩種乾性皮膚大不同, 到底點樣分皮膚缺油定係缺水呢?

莎包Mind Too Wild於 25/11/2013 發表 收藏文章
成日出油嘅皮膚唔一定就係油性肌膚,如果你將油性肌膚嘅護膚方法用係“外油內乾”嘅皮膚上,就很容易陷入“控油——出油”嘅惡性循環! 乾性皮膚又分缺水性和缺油性兩種,針對唔同嘅乾性皮膚有唔同嘅護膚重點和方法,應該點樣判斷係缺水性還係缺油性乾性皮膚呢?今次就向你一一介紹。

你真係清楚自己嘅皮膚屬於邊種類型嘛?乾性皮膚唔單止乾燥、缺水,總係泛著油光嘅你,也有可能係乾性皮膚架~ 兩種乾性皮膚大大唔同,等我係依篇文章教你點樣區分乾性膚質,以及唔同膚質所需嘅保養方法喇~

一、缺水性乾性皮膚
依類肌膚嘅女仔最容易誤以為自己屬於油性皮膚,因為佢哋嘅皮脂腺無問題,只係由於護理唔啱或其他原因造成肌膚極度缺水,肌膚內部水份同皮脂失去平衡,導致皮膚反饋性地刺激皮脂腺分泌增加,造成一種“外油內乾”嘅局面。

1、護膚誤區
缺水性乾性肌膚最忌諱用強性控油產品,因為咁樣只能暫時去油,但由於皮膚失去了正常油脂嘅保護,皮脂腺又開始瘋狂工作,所以會發現剛洗完臉冇耐,就又油光滿面啦。

2、護膚關鍵
對於缺水性乾性肌膚嚟講,護膚關鍵當然係補水啦。
首先,謹記唔可以用強鹼性、磨砂型嘅潔面產品,唔駛怕油膩,只要用返一啲溫和、補水嘅潔面產品就得喇。
其次,日常護理步驟一啲都唔少得。平常出門可以隨身攜帶一支補濕噴霧,喺清除油光嘅同時,都達到補水效果。

二、缺油性乾性皮膚
係類肌膚很容易判斷,通常表現為皮脂分泌少,皮膚乾燥、白皙、缺少光澤,毛孔細小而唔明顯,並容易產生細小皺紋。

1、護膚誤區
因為依類肌膚嘅皮脂腺先天不足,唔能夠分泌足夠肌膚所需嘅油脂,肌膚無鎖水能力,如果只靠單純補水,容易造成“越補越乾”嘅惡性循環。


2、護膚關鍵
缺油性乾性肌膚嘅SIS需注意喇,揀護膚品時唔係單純考慮補水,仲考慮補充油脂。
清潔面部時,如果你嘅洗面乳無滋潤成分,或喺洗面後感覺面部比較乾燥或緊繃,可以喺洗面奶入面,加2滴保濕潤膚嘅精油。
喺白天嘅時候需要揀成份足、質量好、添加保濕成份、防護性強嘅日霜,而喺夜晚則要盡量以滋潤補水為主,用含有滋潤、營養成分嘅晚霜。

三、普遍護理
1、乾性肌膚嘅飲食護理需要注意選擇一啲脂肪、維生素含量高嘅食物,如牛奶、雞蛋、豬肝、黃油及新鮮水果等。

2、要注重全身性嘅內外調理,內外都要大量補水。一方面要大量飲水,補充身體內嘅水份,一方面使用含神經酰胺、透明脂酸等成分嘅高品質嘅外用保濕品,因為依兩種成份唔單止可以減少表皮水份嘅蒸發,而且仲有吸附水份嘅能力。


3、年輕嘅乾性膚質嘅人,皮膚吸收養分嘅能力較強,所以使用油脂較少嘅、具輕柔保濕效能嘅基礎保養品即可。而進入三十歲以後,由於新陳代謝趨緩,容易導致角質堆積,造成養分吸收唔暢,並因為彈力蛋白和膠原纖維減少形成皺紋,依個時候,一方面應注重補水,另一方面,要適當進行營養、偏油性嘅產品嘅呵護。

★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持,就係我嘅原動力,請畀個LIKE我喇~
個人Facebook Fan Page: https://www.facebook.com/Mind2Wild


歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
《FanPiece 小劇場》 - 辦公室政治犯ep01

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→