【影評】妖魔行者 I, Frankenstein 文字

莎包Mind Too Wild於 20/02/2014 發表 收藏文章
好耐冇入戲院睇戲喇~ 最近見到有套《妖魔行者》,話係由《加勒比海盜》系列同《義勇群英之毒蛇風暴》編劇史釗活比堤,聯同經典《妖夜尋狼》系列監製一齊打造嘅科幻動作電影 。

心諗:咦!正喎~ 開正我口味~


【先睇故事簡介】:

傳說,二百年前瘋狂科學家法蘭斯坦妄想僭越上帝之位,創造了「科學怪人」阿當 (阿朗艾克 飾),法蘭斯坦死後留下阿當永生不滅的秘密,令正邪勢力都想奪取;一向獨來獨往的阿當無可避免陷入這一場驚動人間的神鬼之戰…

【包包影評】:
包包其實好鍾意睇科幻、動作、暴力、血腥嘅電影 (以前唔怕血腥,但依家老咗個心臟有時受唔到,只可以係屋企較細個視窗嚟睇 =__=" ),所以《妖夜尋狼》、《加勒比海盜》同《義勇群英之毒蛇風暴》全部都睇過哂~

滿懷期待等《妖魔行者》上畫,點知睇完真係 __!一聲 (請自行填一個字入去), 好彩我係上網睇嘅啫~


成套戲大約90分鐘,唔知係咪片長太短,所以好多地方都求其交代,內心戲描寫又唔夠細膩。

先講感情線,Adam (男主角) 本身對於夜行龍族同惡麼兩邊都唔幫,但極輕易為咗嗰人類女博士 ,就加入對付惡魔。戲入面完全感覺唔到 Adam 同女博士有咩特別感情,大家一齊經歷又唔多,只係女博士對佢好少少啫~ 其實夜行龍族個女皇都對佢唔差架喎!


講特技方面,夜行龍族個個樣同惡魔差唔多,初時睇真係唔知邊個忠邊個奸!尤其係打起上嚟嗰陣,個畫面亂到爆,我只可以靠佢地死後化出嚟嘅光去驅分...(夜行龍族被殺死會化為藍光;惡魔就會化為橙光)


最雞嘅就係臨尾「打大佬」對付惡魔王子嗰陣,個惡魔王子打Adam 幾野,之後發現Adam 原來都有靈魂無被惡魔附體而震驚得濟,即時被人收皮!完全馬虎了事!

總結:如果你真係好想睇 CG 效果嘅,就入戲睇喇....否則真係睇Trailer 就算喇...最好睇嗰d 部份都已經剪接成 Trailer, so sad~



★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持,就係我嘅原動力,請畀個LIKE我喇~
個人Facebook Fan Page: https://www.facebook.com/Mind2Wild


歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→