【影評】爛片《挪亞:滅世啟示 》給我的啟示(值40分) 圖片

莎包Mind Too Wild於 03/04/2014 發表 收藏文章
上個禮拜六放工為咗攝時間,就走咗去睇戲。本身都有諗住睇《分歧者 異類叛逃》,但睇完故事大綱後,感覺似係好例行荷里活B級片。所以最後決定睇《挪亞:滅世啟示 》,起碼有羅素高爾睇下,點知⋯⋯


中咗伏。。。唉!等我先畀大家睇睇電影大綱,再講中伏要點。

【電影大綱】
蠻荒大地上,人類造孽惡貫滿盈。造物主決心以一場無盡豪雨,讓一切罪惡及人類從此淹沒;唯有受命於天的挪亞 (羅素高爾 飾) 才可獨善其身 ,有資格帶領家人和生靈萬物逃過一場浩劫;為人類、地球上不同物種挽留最後血脈。造物主暗中遣派巨靈石獸守護挪亞一家。正當爭分奪秒打造方舟求生之際,挪亞兒子Shem(德格拉斯保夫 飾) 和Ham (盧根利文 飾) 卻同為戀上養女Ila (愛瑪屈臣 飾) 而兄弟反目。Ham為此不惜陰謀勾結挪亞家族的世仇Akkad。大限將至,為爭奪方舟和逃出生天的唯一機會,Akkad、Ham和冥頑不靈的罪人向挪亞發動洪荒滅世前的正邪最後激戰…


【包包影評】
睇完簡介加埋trailer,真係以為佢會有好驚人場面,其實除左CG比較好,真係得一個字去形 容成套戲:『悶』!(可能因為我無宗教信仰,所以唔會覺得好睇)

頭一個鐘主要都係講挪亞執行天主畀佢嘅任務,先得到啟示再尋找佢爺爺指點迷津。中間好多細節畀人感覺好唔make sense~ 就例如佢地住嘅地方,周圍好荒蕪,草都係得幾條,又唔去打獵,咁到底佢地食乜呢?雖然導演係想帶出人類濫用資源而導至生靈塗山炭、環境被破壞,但手法偏向極端、唔合情理。


而餘下嘅一個鐘,重點講興建方舟期間,該隱嘅後代為咗奪走方舟同資源,決意開戰。正當大家以為有一場激戰嘅時候,原來乜都無⋯⋯


好喇~諗住睇下洪水嘅場面有幾勁,點知洪面場面又唔係好多。主要都係描寫挪亞嘅內心掙扎,與家人之間嘅分歧。真係悶到瞓著!


而妙麗(Emma Watson)雖然大個女,靚咗成熟咗,但演技只屬一般,尤其係方舟上生仔一幕,佢嘅表情假到呢⋯⋯相信我哋M痛時個樣,仲迫真過佢!


【總括】
我嘥咗50蚊浪漫咗2個鐘去睇套悶戲,依套又係雷聲大雨點少嘅作品,trailer已經係將做好睇嘅部份呈現哂出嚟!勸大家都係唔好入場睇喇~

★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持,就係我嘅原動力,請畀個LIKE我喇~
個人Facebook Fan Page: https://www.facebook.com/Mind2Wild


歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→