做個精明里數達人:交水電煤費儲 Air Miles 攻略


今時今日儲飛行里數嘅方式實在太多,只要你有張信用卡在手,無論你係行街食飯,每一次消費都係大家儲一次里數嘅機會,簽多幾次,兩個月一張台灣機票都不是夢!

但你又知唔知,交水電煤保費都有得儲 Air Miles ?呢啲費用個個月都要交,其實真係可以幫你儲到不少里數!

不過,銀行信用卡在呢方面嘅優惠通常都比較繁複,比較多限制, MoneyHero.com.hk 有見及此,就整理咗各大信用卡交水電煤費等等雜費比較表,幫大家拆解所有易伏位再加埋注意事項,想知有乜要留神?即刻碌落去睇!


平時交水電煤雜費都不外乎3大方法:自動轉賬、網上轉賬ebanking或者自已親自去交。如各位已搞清平日過數方法,咁就可以自己對應番每一張卡交雜費可以儲到幾多嘅里數喇!

睇番個表,其實而加好多銀行都已經將賺里數方式收緊咗好多,例如星展、花旗與國泰等已不容許利用ebanking轉賬賺積分,只有東亞、滙豐以及永隆等提供。

煤氣保險較易賺

再睇睇不同類別賬單,水費在雜費類中算是最難儲分,只有3張卡可以以ebanking方式去賺取里數。

而煤氣與保險,則算是比較易賺一類,絕大部份信用卡亦可以用自動轉賬方式輕鬆賺里數。

至於電費,大家要分清楚自己本身住處的供電商是港燈抑或中電,不同地區加上不同方法亦有所分別。舉例,如果你住在天后,用花旗信用卡繳費便不能賺取積分了,相反住在旺角的朋友就可以自動轉賬方式交電費同時賺取里數,所以大家要留意喇。

永隆東亞滙豐半神卡

綜合來看,永隆xcite visa card東亞Flyer World滙豐白金 等信用卡算是「半神卡」,因為3者在4個範疇上都可以儲積分。但如要數當中里數卡王,一定非 東亞Flyer World 莫屬,佢根本上係「無得輸」,5大範疇用ebanking過數都儲到里數。雖然滙豐亦可,但一看消費比例,東亞$5=1與滙豐只有$7.9=1里,當然是東亞稍勝!

——
想知道更多信用卡嘅優惠資訊?即上MoneyHero.com.hk,使用我哋嘅 比較工具,搵出最適合你嘅信用卡!

延伸閱讀:出門旅遊時的6大 信用卡 安全措施

延伸閱讀:旅遊達人必殺技: 網上預訂 行程8大慳錢絕招

想知道最新嘅理財貼士,就要留意 MoneyHero.com.hk blog,同埋緊貼 MoneyHero.com.hk facebook page

留言


請按此登錄後留言。未成為會員? 立即註冊
    快捷鍵:←
    快捷鍵:→