一個出生於 80’s、啱啱喺德國經歷左一整年嘅葡萄酒莊工作及生活，我非常榮幸可以作為第一個香港人、喺待過嘅每一間 Winery 當中付出過努力加汗水；雖然絕大部份時間都係生活喺小村莊同工作，但係呢段經歷對我而言係無可取代的。除左已經達成自己希望進修 Wine Knowledge 嘅目標之外，仲認識左一班唔同國籍、背景嘅朋友。就好似下圖咁，由左至右左係佢地係黎自 “ 德國 ”、“ 美國 ”、“ 奧地利 ” ，其餘當然係仲有好多好多。
不過有樣嘢大家未必會估得到，最左手邊嗰位係我地嘅「Cellar Master ( 主管 )」、已經有兩個小朋友，而喺圖中我竟然係年紀最大嘅一個！“ What？！” 所以話外國人嘅年紀真係冇樣睇，我喺當地都唔止一次中伏 …. 不過真心覺得同我一齊共事過嘅每一位朋友都好叻、有好多值得我學習嘅地方，特別係佢地看待生活嘅態度跟方式；喺往後嘅文章，希望都可以加入部份關於我留德學釀酒及生活嘅經歷。如果各位讀者有興趣的話，不妨多 D 留意住以後嘅專欄更新喇〜
返番去正題，相信有番咁上下酒齡、參加過品酒課程嘅朋友，喺睇 Tasting Note、試酒會、甚或係團飲嘅時候，都可能喺酒友口中聽過「Crisp」呢個形容詞，之但係大家有冇頭緒、又應該點樣去詮譯呢？其實個人覺得外國人用字都幾得意：直譯廣東話我地可能會叫佢做 “ 鬆脆 ”，而睇番喺劍橋中英詞典中嘅解釋及翻譯則係 “ 新鮮爽脆 ” 或者係 “ 清晰明瞭 ”；至於當去到形容葡萄酒時，到底又會係一種點樣嘅風格呢 ?
作為葡萄酒用語，英文字「Crisp」可以話係一個專屬嘅形容詞用黎 “ Describe White Wine ”、亦同時作為其酸度及 “ Dry characteristics ( which is not sweet )” 嘅參考指標。換句話講，當大家呷一啖白酒，佢能夠提供到良好酸度、俾到你有種好似飲緊鮮榨 “ Lemonade ” 嘅感覺；口感尖銳、果實味道喺感觀上都不屬主導、以及殘餘糖份都比平常的更低；合乎以上各種條件的話，基本上就可以用得上；若然係以下面圖表作參考的話，則可能會係比「Dry」低一點及更接近「Bone Dry」。
由於喺釀酒過程當中，Winemaker 多會挑選一些未完全熟透嘅提子，最後就會産生好似上文所講嗰種「高酸、少糖」及以相對更低一點點的酒精度作結嘅白葡萄酒；所以比起長時間陳年，呢種類型更適合愈趁年輕時及早開瓶，我個人更會建議大家選擇愈接近 Current Vintage（ 新年份 ）的會愈好，原因係保持「Freshness (新鮮度)」對其來說係至為重要。一般而言，一支優秀嘅「Crisp Wine」必須能夠達至 “ Cleanse (純淨) ” 及 “Awaken (喚醒) ” 飲者的味蕾，而口感 “ Refresh (清爽) ” 則令佢喺冰凍後更適合好似宜家火爐咁熱嘅夏天中享用。
除左為人熟悉嘅白葡萄品種「Sauvignon Blanc」外，事實上諸如「Pinot Grigio」、「Albariño」、「Torrontes」甚至年輕時候嘅「Riesling」都可以納入呢個類別。可能有部分朋友會對呢類型酒款不太感興趣，又或者好容易就會替佢貼上 “ Too Simple ”、“ Too Basic ” 等等嘅負面標籤；當然，咁講就絕對係跟事實嘅全部不相符啦！
不過，喺同一價位當中嘅産品當中，質量比較參差呢個事實都唔可以被忽視；而且我更知道已經令唔少飲家中過伏已經怕怕，所以喺選擇上可能就要花多少少心思。正所謂「鹹魚青菜，各有所好」，若然係挑選恰當的話，其實用來配襯食物、特別以海鮮類為主嘅菜式會係一個非常唔錯嘅 Pairing；加上重點係呢類酒價非常親民，一 D 都唔會貴！或者你地唔介意的話，搵日大家試完之後可以話我知吖〜
*部分圖片來源引自互聯網 *
---------------------------------------------------------------------------------------------------------------
Derekc：一個土生土長嘅80s香港人，過去的十年庸庸碌碌的工作、學習品酒到於德國葡萄酒莊工作、鐘情於葡萄酒生活態度並希望將其推而廣之；有過一段外地生活體驗、一場意想不到的人生。如果大家喜歡我嘅文章請點按讚及分享到你的社交平台；另外如果大家有希望想睇到葡萄酒題目亦歡迎聯絡我，又或者可以傾下酒經 〜
Instagram : https://www.instagram.com/derekc_c/
Facebook Page : www.facebook.com/Wine.Life.Style.HK
不過有樣嘢大家未必會估得到，最左手邊嗰位係我地嘅「Cellar Master ( 主管 )」、已經有兩個小朋友，而喺圖中我竟然係年紀最大嘅一個！“ What？！” 所以話外國人嘅年紀真係冇樣睇，我喺當地都唔止一次中伏 …. 不過真心覺得同我一齊共事過嘅每一位朋友都好叻、有好多值得我學習嘅地方，特別係佢地看待生活嘅態度跟方式；喺往後嘅文章，希望都可以加入部份關於我留德學釀酒及生活嘅經歷。如果各位讀者有興趣的話，不妨多 D 留意住以後嘅專欄更新喇〜
返番去正題，相信有番咁上下酒齡、參加過品酒課程嘅朋友，喺睇 Tasting Note、試酒會、甚或係團飲嘅時候，都可能喺酒友口中聽過「Crisp」呢個形容詞，之但係大家有冇頭緒、又應該點樣去詮譯呢？其實個人覺得外國人用字都幾得意：直譯廣東話我地可能會叫佢做 “ 鬆脆 ”，而睇番喺劍橋中英詞典中嘅解釋及翻譯則係 “ 新鮮爽脆 ” 或者係 “ 清晰明瞭 ”；至於當去到形容葡萄酒時，到底又會係一種點樣嘅風格呢 ?
作為葡萄酒用語，英文字「Crisp」可以話係一個專屬嘅形容詞用黎 “ Describe White Wine ”、亦同時作為其酸度及 “ Dry characteristics ( which is not sweet )” 嘅參考指標。換句話講，當大家呷一啖白酒，佢能夠提供到良好酸度、俾到你有種好似飲緊鮮榨 “ Lemonade ” 嘅感覺；口感尖銳、果實味道喺感觀上都不屬主導、以及殘餘糖份都比平常的更低；合乎以上各種條件的話，基本上就可以用得上；若然係以下面圖表作參考的話，則可能會係比「Dry」低一點及更接近「Bone Dry」。
由於喺釀酒過程當中，Winemaker 多會挑選一些未完全熟透嘅提子，最後就會産生好似上文所講嗰種「高酸、少糖」及以相對更低一點點的酒精度作結嘅白葡萄酒；所以比起長時間陳年，呢種類型更適合愈趁年輕時及早開瓶，我個人更會建議大家選擇愈接近 Current Vintage（ 新年份 ）的會愈好，原因係保持「Freshness (新鮮度)」對其來說係至為重要。一般而言，一支優秀嘅「Crisp Wine」必須能夠達至 “ Cleanse (純淨) ” 及 “Awaken (喚醒) ” 飲者的味蕾，而口感 “ Refresh (清爽) ” 則令佢喺冰凍後更適合好似宜家火爐咁熱嘅夏天中享用。
除左為人熟悉嘅白葡萄品種「Sauvignon Blanc」外，事實上諸如「Pinot Grigio」、「Albariño」、「Torrontes」甚至年輕時候嘅「Riesling」都可以納入呢個類別。可能有部分朋友會對呢類型酒款不太感興趣，又或者好容易就會替佢貼上 “ Too Simple ”、“ Too Basic ” 等等嘅負面標籤；當然，咁講就絕對係跟事實嘅全部不相符啦！
不過，喺同一價位當中嘅産品當中，質量比較參差呢個事實都唔可以被忽視；而且我更知道已經令唔少飲家中過伏已經怕怕，所以喺選擇上可能就要花多少少心思。正所謂「鹹魚青菜，各有所好」，若然係挑選恰當的話，其實用來配襯食物、特別以海鮮類為主嘅菜式會係一個非常唔錯嘅 Pairing；加上重點係呢類酒價非常親民，一 D 都唔會貴！或者你地唔介意的話，搵日大家試完之後可以話我知吖〜
*部分圖片來源引自互聯網 *
---------------------------------------------------------------------------------------------------------------
Derekc：一個土生土長嘅80s香港人，過去的十年庸庸碌碌的工作、學習品酒到於德國葡萄酒莊工作、鐘情於葡萄酒生活態度並希望將其推而廣之；有過一段外地生活體驗、一場意想不到的人生。如果大家喜歡我嘅文章請點按讚及分享到你的社交平台；另外如果大家有希望想睇到葡萄酒題目亦歡迎聯絡我，又或者可以傾下酒經 〜
Instagram : https://www.instagram.com/derekc_c/
Facebook Page : www.facebook.com/Wine.Life.Style.HK
請按此登錄後留言。未成為會員? 立即註冊