【25°C 動漫】<強風吹拂> 係我睇過最好嘅運動漫畫 / 動畫

同 <i.swm>一樣係小說改篇嘅 <強風吹拂> 係我睇過最好嘅運動漫畫 / 動畫！長跑明明咁悶，都引到唔鍾意跑步嘅我養成咗去gym room跑步嘅習慣。但睇<i.swim>，鍾意游水嘅我完全無衝動去游水。運動作品係咪合格，我覺得主要係睇有無感染到觀眾對嗰項運動嘅興趣。
<強風吹拂> 入面講 “快” 同埋 “強大” 嘅分別，係人生哲理，會啟發到我待人處事。熱血作品應該係咁。
最深刻嘅一part，講一個岩岩學跑步但相當努力嘅成員，佢努力咗好多集之後，最後都係跑唔贏。然後，隊長同佢講咗一句：“以為只靠努力就能無所不能，這是一種傲慢。”

簡直係當頭棒喝。

係呀，努力只係成功嘅其中一個因素，所以點解好多時候我哋咁努力都唔成功？就係因為呢個世界有好多比我哋更早努力嘅人，亦有好多努力嘅天才。呢段睇到我好心噏，同時又好真實，睇完我覺得對世界嘅運作了解多咗，有啲鬱鬱不得志嘅位諗通咗。
呢啲先叫做言之有物。

好嘅bite喺劇情推進到高峰突然爆出嚟，impact可以好大，可以入到觀眾嘅心last到好耐，而唔係是但cap幾句出嚟夾硬話佢有啲嘢想講，更加唔係用啲對白嚟到過場 / 推進劇情。

Btw 主角（圖左）就正正係努力嘅天才，但佢無chok樣。努力嘅天才其實唔會咁傲慢，AB嘅角色設定完全唔人性化，叫演員點演？所以咪話浪費咗演員囉。