【25°C 日常】香港人到底做錯啲乜,搞成呢家咁?

25°C Journey 於 05/02/2020 發表 收藏文章

突然想分享一下,我得呢大半年好神奇,好似所有野都整定咁。
即係你唸下,如果無場運動,社會上既大多數都可能仲係相信緊政府傻下傻下咁等口罩等爆發,各行業唔會成立工會唔識罷工,買口罩俾人呃唔會咁快有網民出到個黑制裁名單、商場唔會意識到 / 識得要封商場自救…所有野都息息相關,真係好似上帝早已預備咁🤷🏾‍♂。或者身心靈啲咁睇,可能係有啲課題我哋整個社會、甚至全個世界都一齊要修,所以就整幾單big incident出黎等大家各取所需。而再長遠啲咁睇,呢場疫症唔會係終點/起點,只係整個修行既其中一個步。

好多人話香港人到底做錯啲乜,搞成呢家咁。我覺得首先其實好難去定義是福是禍,簡化啲咁講就the best / worst is yet to come,可能呢家既一切都係用黎prepare for the future。然後,就算真係一個 “禍"…..喂,你肯定你過去幾十年無 “做錯"?做生意既賺到盡、打工既營營役役、議會/政府發生既所有事都係政治唔關你事….你肯定你(我哋)無咁唸/做過,你肯定你(我哋)無 “錯"?

其實無乜特別意思想帶出,只係覺得,與其鑽牛角尖哋唸 “到底香港人做錯啲乜搞成呢家咁",或者可以試下換個角度唸唸,如果人生既每一件事都係要我哋學野,到底我哋呢一刻可以做啲乜去盡快喺咁難既一課畢業?共勉之啦都係。

如果喜歡我的分享,like和follow我fb and ig吧!
FB: Mo’s 25°C Journey
IG: cammykwok_mo
更多文章: http://25celsiusjourney.com

如果喜歡我們的文章,請即分享到︰

標籤: 香港  肺炎  武漢肺炎  社會運動  社會  身心靈  時事  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→