我係“中國”人， 唔係中國人。 （上）

要講中國野，“中國”二字無可避免地要被提及。
所以在說中國的有趣事物前，我想先講講自己一直以黎點睇“中國”。
呢個係個好長的故事，之後我都儘量唔講咁長嘅野啦，哈哈。

係自已由細到大對中國的認識中，係可分為幾個階段的。
首先係小學年代，當時我學緊嘅任何野基本中都係外界塞俾我的，
包括1＋1＝2，呢個地球係圓，你阿媽係女人，你阿媽的阿哥叫舅父（你可能話呢D係幼稚園學的，FINE，但我個人就真係去到小學先有所謂記憶的出現。），
當然都包埋中國＝大陸內地／共產黨（笑）。個陣又唔覺有咩問題，
畢竟上面真係佢話緊事。

佢好多時候都唔會咁直接嘅，但反正到大個你就會有呢個印象。
而我無記錯的話，我係由小四開始睇書，個陣特別鍾意睇中國歷史，
個陣有一系列的書，我到而家都有印象，甚至可以話我的歷史底都係咁黎的，
然而個套書係咁樣排列的：

「夏、商、周、秦、漢、晉、隋、唐、宋、元、明、清、中國近代史」
咁排又唔能夠話錯嘅，不過頭頭尾尾中間會好少左好多野囉，
但對於小學程度黎講，其實夠晒有突，反正都記唔晒架啦。

所以我小學就（自以為）諗到個聰明的辦法去晒命，
無錯，就係背左個書名佢（掩眼）。
然後見人就話原來中國有十二個朝代架，再將個十二朝代個名好似RAP咁一口氣爆出黎。
之後當然合眼等掌聲，但通常都聽到哦一聲就無下文．．．．．．
呢個時候，有心水清的讀者就會發現：上面唔係列左十三本書出黎咩？

哈哈哈！無錯啦，呢個就係我細個對“中國”歷史的印象啦，
只 係 去 到 清！（又可以叫清朝）
點解？
因為由夏到清，無論本書幾精簡都好，
基本上個來龍去脈都係清淅的，
但中國近代史呢，
而我印象是咁的：
（呢個印象基本上係一路延伸到去ASSO前都無變，
我相信如果無專修歷史的人應該都係差唔多咁上下印象）
清亡 — 孫中山建國民黨建國 —
國民黨蔣介石逃亡至台灣 — 人民英雄共產黨建立中華人民共和國，簡稱中國

但本書好奇怪的一點係：
孫中山點建國有講，但建國至逃亡之間國民黨除左衰野之外，
其他野基本上無咩點講，然後就有一大堆共產黨的英雄事跡，
至於咩軍閥混戰個D更加係輕輕帶過。

因此係呢個情況下，我都讀得好亂（當然唔排除記性差的緣故），
在下意識當見唔到近代史，就算揀歷史書睇都唔會揀近代史。
再加上我對共產黨又無咩好感（老母成日都講共產黨點點點衰），

所以，係我細個的小小腦袋裡面，
有個好簡單的分法：
“中國”歷史 ＝ 由夏到清

而我雖然住係邊疆香港，但我依然係“中國”人，
同住在內地的人一樣共享“中國”的歷史，亦包含其中的交化，單純地為“中國”好的事物而驕傲，為“中國”壞的事物而羞恥。
至於而家的共產黨政權點，同我的生活好似無咩關係，
當讀歷史咁，諗唔明咪當佢唔存在囉。

當時亦唔存在身份認同的問題，
頂到盡都係諗我會唔會有機會唔係我阿媽個仔之類......

但後來，
我發覺愈大就愈無法大聲咁同人講：
「我係中國人」

。。。待續。。。