小巴精神 精選

巴士,小巴,的士...公共汽車車長(大多人稱為司機)的服務態度, 你會怎樣排序呢?
筆者近年比較多坐小巴,故此對其遭遇亦較多, 人亦一樣...相處得耐便得知他的缺點。

如果說小巴司機態度差, 未免是一竹篙打一船人, 我也曾見過有小巴司機感度好好, 每逢乘客上車落車都會講句:"小心丫!" 所以以下我所講只是其中"少部份"小巴司機而已。

有些老婆婆不太懂字, 上車時多數都問一下會否到達他所去的地方, 司機居然會說:"我唔識呀,快D落車,唔好阻住我", 明明那個地方你會有站落客, 為何會不知道?
各位讀者有否發覺, 小巴平時放左入錢箱下的垃圾桶已經不是間間車上都有放, 原因係司機們現在都不準乘客把垃圾掉在垃圾桶內。 有一次女生上車後把飲完的紙包飲品放入垃圾桶內, 司機轉頭就破口大罵:"呢到唔準帶垃圾上車架wo..我地無義務幫你掉垃圾架....." 當然女生亦有跟他理論, 最後司機說了一句:"法例寫明架" 於是由開車到筆者落車, 司機都不停喃喃自語地咒罵女生, 不停說:"個個都係咁咪好唔得閒!?"之類說話....筆者回家後google 一下, 結果毫無發現。 雖說找不到,但並不代表沒有,只是可能小弟找不到那麼深入, 但是重點係: 究竟我地付車錢 除了有人車返屋企, 便沒其他權利, 換來被司機呼喝?

好了, 第二日我上另一架小巴,司機把垃圾桶搬走了, 開車路途中, 不停有咚..咚..咚.聲。 我不禁探頭一看, 原來係一個汽水罐在地上不停奔跑...直到下個站有人落車, 對著門口座位的嬸嬸跟落車男生說道:"幫手執起佢啦,唔係一陣有人踩到好危險,於是男生把汽水罐一腳...踢到路邊! 司機關門繼續開車...嬸嬸在車箱內指責剛下車的男生,亂踢到路邊又會被其他人踩到, 司機便說(這是另一個司機!):"你地d乘客衰囉, 亂咁掉野係車到! 你自己無執又唔好咁話人" 於是對方又罵戰一論...
乘客們付了3,4蚊車資, 得到的是勞氣,煩人的自言自語。雖說乘客也有責任,要有公德心。但是司機是不是更有責任去保持車箱清潔呢? 把垃圾桶搬走?? 這豈不是推了乘客一把去把垃圾掉在地上?? 卻遷怒於其他乘客? 在現今所有都以服務為先,顧客為重的環境下, 他們都可以有這樣的服務, 厲害厲害!