​【一秒看穿你同事】公司開會眾生相


除左做唔完嘅文件、OT、刻薄的上司等等,相信好多打工仔最怕嘅事就係開會!雖然開會好浪費時間,但係可以從一個短短十五分鐘的會議,就可以分析出每個同事的性格和工作態度,而你又屬於邊一類型呢?
1. 樂於表達意見/主動回答問題 – 積極進取型
以前讀書,班上總有幾個學霸成日拋書包、搶住答問題,出嚟做野,公司同樣都總會有啲同事為左博上位、得到上司賞識而爭住發言 ! 問親有關公司的狀況和發展,佢地都能夠一一回答,甚至趁機表達埋自己的見解。多得佢地嘅主動熱誠,大家先可以逃過一劫咋!

2. Mark notes – 默默耕耘型
開會時總有啲文青懶係聽緊咁做下筆記,mark低重點、日期等事項。無論係認真做筆記,定係只係純粹想搵啲野嚟做都好,在上司心目中,都一定留低左個好印象。

3. 檯底玩手機 – 機智醒目型
唔好以為開會玩手機就等於唔認真!佢地就算玩手機都識分寸喺檯底玩,必要時又識得比下反應,答下問題咁,做起野上嚟甚至仲叻過啲有留心聽的同事!名副其實就係嗰啲平時唔係點聽書,又唔係好溫書,但次次都攞高分的醒目仔女!

4. 恰眼訓/發夢 – 安於現狀型
對安於現狀型的人來說,反正努力唔會升職 ; hea做又唔會死,咁開會嘅意義,就係把握時間補下眠、發下白日夢。既然在會議裡面,我有冇意見都毫無影響,咁又何必勉強自己答問題、丟人現眼呢?

5. 不出席會議 – 逃避現實型
開會係難頂,但會搵一大堆藉口唔出席的人,無非係想要逃避現實、炫耀下自己唔洗開會有幾好。避得一時,避唔到一世,人人都唔想開會,人人手頭上都一樣有咁多野要做,你一句「要出去見客」就想走人?面對現實啦bro!

次次開會都悶到爆?不妨做下人格分析員,留意下身邊的同事開會時有咩行為啦!

文:Noelle

更多打工仔分享,追蹤 ECjobsonline 專頁 或 瀏覽 www.ECjobsonline.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→