X

【小測試】一分鐘就知自己有冇抑鬱症


香港人工作和生活壓力都好大,就算身邊有屋企人和朋友,有時不免都會鑽吓牛角尖,冒出一啲負面嘅念頭,獨處嘅時候,就更加容易會覺得唔開心、好孤單、好壓抑,可能你會話,係人都試過唔開心架啦!瞓醒一覺咪冇事囉!若果唔好好面對和處理負面情緒,只會愈積愈多,分分鐘演變成抑鬱你都唔知!咁點先知道自己有冇抑鬱症呢?一齊嚟做個小測試啦!

以下係抑鬱症嘅一啲常見症狀,請按照自己的日常情況畀分:0分為沒有此症狀;1分為甚少/輕微;2分為普通/一般;3分為經常/嚴重,然後再將每項分數相加,觀察總和所屬嘅類別。

情緒持續低落,煩躁,經常發脾氣。
悶悶不樂,對一向喜歡的事物或活動失去興趣。
難以入睡,睡眠失調(過多或過少),精神不振,拒絕起床上學/上班,早醒/渴睡。
食慾減退或暴增,或體重驟降/驟升。
感到疲累乏力、沒精打采。
行動遲滯,或說話/行為表現比平日激動。
專注力下降,失去學習/工作動力,凡事也提不起勁。
容易過份內疚、自責,或覺得冇人鍾意自己。
經常冒起負面想法,容易持續聚焦在負面的經驗或事物上,對生活和末來失去期盼。
反覆出現死亡、自殺的念頭,寫遺書或把自己最愛嘅物件送給別人。

0 – 5分:沒有抑鬱症問題。
6 – 10分:間中出現抑鬱情緒。
11 – 15分:輕度抑鬱症。
16 – 20分:中度抑鬱症。
21 – 30分: 嚴重抑鬱症。

16至30分,即輕度抑鬱以上嘅朋友,睇嚟你哋要開始正視吓自己嘅情緒問題喇!皆因一個小小嘅負面諗頭,可能會慢慢隨住時間愈積愈深。所以,最好都係及早睇醫生根治,等自己唔洗再受抑鬱情緒所困擾。其實,好多患有抑鬱症嘅人士,佢哋需要嘅都只係關心和聆聽,你唔知點安慰佢哋、唔知點幫佢哋解決問題,都唔緊要,只消聽佢哋傾訴,同佢哋講一聲「加油!有我喺度!」,對佢哋嚟講,已經係最大嘅心靈藥物,等佢哋知道,佢哋並唔係孤軍作戰。

文:Noelle


更多打工仔分享,追蹤 ECjobsonline 專頁 或 瀏覽 www.ecjobsonline.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→