怎樣的上司鍊成怎樣的下屬


「腦細都係咁做啦,你憑咩話我」呢句說話有啲熟口熟面,你嘅上司係點嘅人係咪真係唔關你事?古語有云:「近朱者赤近墨者黑」唔通下屬好與壞係上司錬成?

好似行軍打仗咁,領軍嗰個勤力啲,你都唔敢偷懶,簡單嚟講,上司角度就係想手下生生性性,做啲好成績出嚟,咁首先如果上司係又懶又唔用腦嘅,其身不正,啲細嘅都只會學你一樣,冇王管做咩都得啦,管唔住嘅就真係要諗一諗自己點解管理唔到佢哋,問吓自己有冇努力去樹立一個好嘅榜樣呢?(教極都唔識嘅奇葩個別處理)

曾經令到小編心服口服嘅,就係叫你做嗰樣嘢嘅人,佢自己都做到,唔會叫你做啲「不可能的任務」,呢啲就係好嘅榜樣,而整個公司文化都係由帶頭嘅上司形成,例如上司性格嚴肅嘅話,氣氛就會零舍緊張,下屬尤如驚弓之鳥,輕鬆嘅話你會聽到多啲笑聲,士氣大增!基本上不停放負嘅上司應該冇人鍾意,仲會令到軍心動搖,嗱,冇絕對話做邊一種上司會好啲,用個心去對人對事,咁你嘅下屬自然都會咁樣對返你。

做新人嘅預咗要乜都做,因為成個架構乜都未識,實要跟個人去學,咁如果帶住佢嘅人做得唔好,唔跟足規矩,好自然佢學嗰套都係唔跟規矩,所以上司除咗做好自己之餘,亦都要監督好新人學習嘅過程,如果唔係出咗事一味淨係怪人哋做得唔好,就好似一隻手指指住人,其餘四隻都係指住自己,最後啲細嘅就會同你一樣不負責任,做錯野梗係唔認,淨係怪人先,點解?有樣學樣囉。

文:金金


更多打工仔分享,追蹤 ECjobsonline 專頁 或 瀏覽 www.ecjobsonline.com

如果喜歡我們的文章,請即分享到︰

標籤: 上司  放負  上司下屬  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→