想創業?創業風險你要知!

想創業?創業風險你要知!
刊登日期: 2017-08-10


唔少人番office番到悶悶地又大壓力,就把心一橫辭左份工,自己一個人膽粗粗出黎創一番事業。見地有啲人搞網上生意,或者開間舗頭仔幾成功,搞到我都心郁郁想試下自己創業。咪住!羨慕還羨慕,創業都有好多風險要留意!唔好見人搞生意你又跟住搞!創業風險都係知清楚好啲!之後再慢慢考慮都唔遲啊!

創業風險的來源可分成主觀和客觀2種:主觀風險即因創業者自身身體或心理因素而導致創業失敗的可能性,即係如果你患病、成日驚自己唔夠錢、對自己嘅能力冇信心、怕面對其他人嘅質疑等等,都會對你創業構成風險;而客觀風險就係指因客觀因素而導致創業失敗的可能性,例如市場的波動、政策的變化、競爭對手的出現和創業資金缺乏等等。創業風險內容方面,則可劃分為種風險。

1. 市場風險
市場風險是指因市場的不確定性因素而導致創業失敗的可能性,包括市場價格、股價、利率、商品價格和匯率等的變動。所以,創業能否成功真係好受市場所影響。創業者稍一不慎,可能就會好似《大時代》裡面咁嗌生嗌死!仲分分鐘血本無歸!大家如果想搞啲咩創業投資,一定要做足功課先啊!

2. 經濟風險
經濟風險是指因經濟環境的波動或調整而導致創業蒙受損失的風險,例如在商品生產和交易的過程中,因經營管理不善、價格變動或供求有變而導致實際獲利與預期收益背道而馳,甚至有超出預算範圍的經濟損失。

3. 技術風險
技術風險是指因技術的不確定性因素而導致創業失敗的可能性,例如你所提出的idea好好,但技術開發難、技術資源不足、技術壁壘、設備和工具的缺乏等都會令到你的創業路面臨阻礙,無法如期推出你所研究或訂製的商品,使你的公司未能順利運作。所以,揀廠房、揀工場都可以好考究,千祈唔好忽略呢重要的一環,更加唔好貪平揀錯啲cheap嘅技術廠房啊!

4. 生產風險
生產風險是指產品或服務從小批試製到大批生產的風險,例如在原材料、設備、技術及生產人員上面臨意料之外的阻礙,令創業者的計劃無法在預期之內達成。

5. 管理風險
管理風險是指因管理不善而導致創業失敗的風險。如果在管理運作的過程中,存有雙方信息不協調、管理不善、判斷錯誤等問題,管理水平便會下降,影響創業者的全盤計劃。所以,在一個管理體系裡面,管理者的質素是十分重要。

6. 政治風險
政治風險是指因戰爭、國際關係的變化或政策的變更而導致創業失敗的可能性。雖然香港就冇咩機會會發生戰爭,但政府或金管局每個大大小小的決策,都會對金融、經濟等市場帶來影響,唔好以為唔關自己事!

睇到呢度,係咪覺得有啲怯、唔係好敢再諗創業呢?其實怯係好事,證明你係會擔心,話曬出黎創業唔係一時三刻就可以決定到嘅事,都係做多啲資料搜集、考慮清楚好啲!

文:Noelle

更多打工仔分享,追蹤 ECjobsonline 專頁 或 瀏覽 www.ECjobsonline.com


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→