想提升IQ?7種補腦食物你要知


天生唔夠其他人聰明?又唔洗咁絕望嘅!智慧都可以靠後天培養架嘛!千祈唔好誤會!唔係叫你食藥、打針、更改DNA!你只係需要食嘢就夠喇!食咩?咪就係食返啲補腦嘢囉!包你返工做嘢都醒神啲!

1. 核桃
講到補腦食物,點可以唔提核桃呢?核桃含有不飽和脂肪酸,能降低膽固醇含量,對心臟有益處。此外,核桃含有豐富維生素B和E,可防止細胞老化、增強記憶力和延緩衰老,唔怪得核桃有「長壽果」嘅稱號啦!連個樣都零舍似一個腦!不過,有益還有益,都唔能夠過量進食,否則會出現大便乾燥、鼻出血等情況。

2. 魚
幾年前已經有新聞講過,老人家食多啲魚,可以降低患上腦退化症嘅機率,皆因魚肉含有豐富DHA,即「腦黃金」,可有助提升記憶力和思考能力,並控制腦細胞嘅退化,延緩衰老。同時,魚肉脂肪量低,亦含有豐富蛋白質和鈣質,容易被人體消化吸收,為促進智力發展嘅首選食物之一。

3. 葵花籽
葵花籽不但含有大量嘅健康油脂,其亦有豐富嘅鐵、鋅、鉀、鎂等微量元素和維生素E,具一定嘅補腦和健腦作用,有助增強大腦嘅思維和記憶力。大家以後喺office做嘢做到悶悶哋、想食嘢嗰時,不妨試吓葵花籽當零食,又有嘢食又可以補腦,一舉兩得。

4. 花生
花生含有豐富嘅卵磷脂和腦磷脂,其為神經系統所需要嘅重要物質,能有效延緩腦功能衰退、抑制血小板凝集,並防止腦血栓形成。食用花生更可以改善血液循環、增強記憶和延緩衰老,所以人人都叫佢做「長生果」。大家以後真係要食多啲真.花生喇!

5. 黑芝麻
黑芝麻唔單止對頭髮好,對頭腦一樣有好處,因為佢含有大量嘅不飽和脂肪酸,其有延年益壽、健腦益智嘅功效。多吃用黑芝麻更能有助預防和治療膽結石,以後去食糖水,都係嗌返碗芝麻糊健康啲!

6. 海帶
海帶含有豐富亞油酸、卵磷脂等營養成份,有健腦嘅功效,海帶等海藻類食物中所含有嘅磺類物質,更是大腦不可缺少嘅。今個冬天,一於買多啲海帶嚟打邊爐啦!

7. 雞蛋
雞蛋嘅蛋黃含有豐富卵磷脂、甘油三酯、膽固醇和卵黃素,其對神經發展有重要嘅作用,更具增強記憶力、健腦益智嘅功效。

想變聰明?唔洗用劍嘅!揀啱食物就已經事半功倍啦!做嘢快手啲!最高興應該係你老細喇!

文:Noelle


更多打工仔分享,追蹤 ECjobsonline 專頁 或 瀏覽 www.ecjobsonline.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→