【成功需苦幹】成為職場成功人士的要素 精選 推薦

個個都想在職場上幹一番事業，但係咪單靠努力就會有出頭天呢？咁又未必啵！想成功，努力打拚只係其中一項基本要素，其他方面的才能和鍛鍊都極之重要！不容忽視！一齊睇下要在職場上成為一名成功人士，需要具備什麼要素啦！
1. 有充足睡眠
晚晚都唔夠訓，番到公司成日都冇嚟精神，工作又點會有效率呢？打工仔好多時夜訓，都係因為掛住煲劇、打機、做自己野唔願訓。不如就從今日開始試下早啲休息，養足精神，第二朝番工自然就更有動力做野，分分鐘仲唔洗OT添啊！娛樂的話，等到週末先一次過歎番夠本啦！

2. 專心
點解咁多職場的成功人士都唔會帶手機去開會？因為無論係聽上司定同事講野，都應該保持專注，自然能夠充份吸收別人的話，而無需在事後再次向對方請教或自己搵資料，從而達至最高效率。

3. 規劃好工作進程好多人都慣左既來之則安之，手頭上有咩做就做咩，但預先安排好自己的工作進程，按照schedule工作，效率一定會更高！仲可以安排到時間做自己喜歡的事，達致工作與生活之間的平衡！

4. 善用時間
個個都話自己忙，冇時間做呢樣做嗰樣。其實時間都只不過係從眾多工作中擠出來而已，例如大家可以試下搭車途中唔玩手機，改為睇下文件 ; 又或者每日抽兩小時集中回覆電郵，而不是坐定定等email嚟咁浪費時間，這些都係善用時間的表現。在適當的時候做適當的事情，自然就可以花最少嘅時間，做最多嘅野啦！

5. 持續進步
以為做左CEO就可以咩都唔做？咁諗就錯喇！無論係邁向成功一小步定一大步都好，人都唔能夠停止學習、原地踏步，因為成功永無邊際，只有虛心學習、讓自己繼續進步的人才會越走越遠。
要訓得夠、要mark schedule，聽落好似好易咁，但要持之以恆就唔係人人都堅持得到。不過，改變習慣的一小步，已經係邁向成功的一大步。只要大家有信念，願意謙卑學習，一定可以成為理想中的成功人士！

文：Noelle

更多打工仔分享，追蹤 ECjobsonline 專頁 或 瀏覽 www.ECjobsonline.com