【第一印象】如何讓首次見面的人對你留下深刻印象

印象呢家野好似好虛無縹緲，介乎於重要同唔重要之間，不過在職場上成日都會見新客、認識新同事，甚至出去應酬時會碰到大量同行，呢個時候，你的言行舉止，都會成為你的象徵，對於一個啱啱識你的人嚟講，你講咩做咩，都會影響人地對你嘅觀感！想知點先可以在人地心目中留下一個良好的第一印象？Mark低以下袐訣就實冇死！
1. 主動開口說話
雖然咁講好似好無謂，但當一大班人聚埋一齊的時候，總會好容易怕醜唔太敢講野。所以想在人地心目中留低一個好印象，就一定要識得把握時機搭嗲！好多時候，一個緊張的局面就係咁靠人地插下話、講下笑而打破，氣氛自然就會因為你而變得close啲啦！

2. 敢於表達個人意見
人地問你意見的時候，不一定要隨波逐流地一味附和，有時候一啲特別啲、有爭議性的觀點，更加可以突顯你的獨立見解和鋒芒畢露，自然可以在對方心目中留低一個難忘的印象啦！
　　
3. 直呼對方的名字每次與初次見面的人打交道，都會習慣性咁交換下卡片、介紹下自己咁，但知道左人地叫咩名之後又點呢？就係要你喺溝通時主動叫對方的名字，比人覺得你記得佢叫咩的印象，直呼對方的名字仲可以拉近彼此的距離添！

4. 專心聆聽
任何人講野的時候都唔鐘意比人打斷或者搶風頭，所以當人地講緊野的時候，記得落足心力專心聽，同對方保持眼神交流，間中比一、兩句反應，讓對方感受到自己的重要性，覺得自己被尊重，對方自然會記得你係一個咁體貼有禮的人。

5. 多運用肢體語言和面部表情
多運用肢體語言和面部表情，可以比到人神采飛揚、有活力的形象，例如同人握手時用力啲 ; 聆聽或表達意見時與對方保持眼神交流、以微笑表示認同 ; 比反應的時候可以放膽啲、誇張少少，顯得自己social啲，咁就絕對可以在對方心目中留下一個深刻的印象。
比人話你冇咩特別優、缺點？性格唔突出？仲大眾臉？唔緊要！最重要就係識得點樣在人地心目中留低一個良好而深刻的印象！再普通的人，都可以成為特別的一位。

💡更多關於打工仔日常分享及資訊，📱立即追蹤ECjobsonline專頁 或 💻瀏覽 www.ECjobsonline.com

文章來源:
https://www.ecjobsonline.com/news/2304/%E3%80%90%E7%AC%AC%E4%B8%80%E5%8D%B0%E8%B1%A1%E3%80%91%E5%A6%82%E4%BD%95%E8%AE%93%E9%A6%96%E6%AC%A1%E8%A6%8B%E9%9D%A2%E7%9A%84%E4%BA%BA%E5%B0%8D%E4%BD%A0%E7%95%99%E4%B8%8B%E6%B7%B1%E5%88%BB%E5%8D%B0%E8%B1%A1.html