​【職場小學雞】5大錯誤職場思維


返工雖然有啲似返學,上班唔可以遲到、定時定候有lunch time、有訓導主任般的上司,亦都有同學似的同事,但大家要記住,特別是初來報到的職場新鮮人,辦公室再不是一個溫室,好多學生時期累積下來的思維,係時候要改改佢喇!

1. 別人教你是應份的
讀書時期,考試唔識做就話可以賴老師冇教,但出來做野,公司是沒有義務為你提供培訓,或是逐個逐個step教你點做,就算口頭上話會帶住你,但其實個個都咁忙,邊到得閒照顧你呢個新人呀?何況老細請得你番嚟,就係希望你能為公司出力,而唔係比錢你嚟學野。

2. 做錯事一定會被諒解
老闆和同事唔係你的父母或老師,你在工作上出錯,唔會次次都得到佢地的體諒,相反,犯錯只會增加他人的負擔,影響別人的工作進度,在老闆和同事心目中,從此留下一個不可信賴的印象。因此,一次的錯誤都可能毀了你的前程,大家要注意喇!

3. 學業不重要
好多人都會話,大學畢業之後咩都係重新嚟過,學業、知識統統都不重要啦!實情並非如此!學業對一個人的前程十分重要!雖然在學途中得到的知識未必能百分百運用番出來,但至少打左個底,所有基本概念都難你唔到,老闆自然就放心比野你做啦!所以,各位大學生都係唔好走咁多堂喇!比心機聽書冇蝕底呀!

4. 單靠努力就一定會有回報
讀書時期就話背曬成本書去考試就一定會攞高分,但出來工作,唔係話睇多幾本書、背多幾個生字就有機會升職加薪。辦公室講求的是靈活變通、同事之間的溝通合作和工作效率等等,原地踏步、匿埋一二邊、自己一個人默默耕耘係唔會得到你想要的結果的。而且,認清自己的目標亦非常重要,朝自己的方向而行,才會有回報。

5. 隨波逐流,維持團隊和氣最重要
每當老闆叫大家投票或表達個人意見的時候,好多人都會因為想避免爭吵,或不好意見提出反對的見解,而一味服從多數意見。其實,一間公司有多方面的意見才會有進步、有討論的空間,員工不妨多相信自己的判斷,勇於表達自己。

雖然好多學生時期所學到的人生哲理是一生受用,但同時都有許多觀念,在職場生涯上是不適用,大家一定要好好揣摩,費是比人覺得你小學雞啦!

文:Noelle

更多打工仔分享,追蹤 ECjobsonline 專頁 或 瀏覽 www.ECjobsonline.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→