​ 【職業談】神神秘秘嘅配音行業


最近多咗媒體講配音,呢個行業有幾神祕?係咪攞住稿紙照讀咁簡單?唔使露面執樣可以演戲,真?我哋一齊拆解吓!

配音冇錯係唔使賣樣,之但係你都要真身面對配音導演/同事/老闆,所以由你出門口開始自己已經要有自信可以勝任呢個角色,去到現場嘅時候就已經要準備好狀態,例如唔好發夢!

專心進入狀態
例如天氣寒冷嘅場景,語氣方面可唔可以表達到凍嘅感覺?相信自己就係嗰個角色之餘最好設計一下如何扮演最符合劇情,例如角色喊緊你都會跟住一齊悲傷,用哀傷嘅心代入講對白出嚟,就算同一句早晨,好惡講同埋好溫柔咁講已經有唔同嘅畫面/效果出嚟。
搵到自己嘅聲+搵到自己嘅風格
當然優秀嘅配音員任何對白場口都應該要掌握得好,就算係女性做男角都可以用語氣搭救,只不過要有自己嘅風格,人哋先會記得你,例如你感情豐富又識得發揮出嚟,配劇就一流啦,如果你把聲係好正經可能做樓盤廣告就唔錯啦比較之下人哋會搵專長嗰位去接job。

戲先係重點
個個都係靚聲但係好戲就未必個個都係,聲音人哋可以模仿你,但係戲就唔可以被取代,所以首先要交戲,就會有感情跟住演員嘅情緒一齊流動,聽配音嘅觀眾自然會覺得生動入戲,好聽又好睇!

聲音畫面同埋你把聲呢三樣嘢結合看似簡單,不過配音既然係專業就當然唔簡單,坊間有好多配音班普遍$2,000左右就有得學,只要用搜尋軟件打配音班三個字已經好多俾你揀,以前好多都話有呃人事件,建議大家搜尋多啲導師背景先至交錢上堂,至於平時可以下載一啲免費軟件去練習,工多藝熟。另外,冇人寫包單話你跟嗰位老師學完一定會即刻有工開,所以千祈唔好辭咗份工去等,除非你大把錢洗唔等工開飯,因為好多時無論你嘅聲線有幾好,戲有幾好,都唔代表日日有工開!

最後,如果想入行嘅應該諗諗呢個係興趣定係夢想,上完配音班學完都冇乜機會?其實機會永遠都係身邊,睇你自己點樣去爭取或者自己創造,有心入行嘅唔好咁容易放棄,只要做得到配音員領班嘅要求,有適合你嘅工作自然搵你,呢個行業始終需要新血,聽黎聽去都係嗰幾把聲俾你都悶。

文:金金



永遠保持起碼有兩滴墨水
唔寫野嘅時候個腦都不停諗緊嘢
一追再追堅持追夢
You only live once


更多打工仔分享,追蹤 ECjobsonline 專頁 或 瀏覽 www.ecjobsonline.com

如果喜歡我們的文章,請即分享到︰

標籤: 配音員  配音班  職業談  配音行業  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→