話題 【職場生存】5個亂俾FB同IG上司同事後的後果

都市人機不離手,全因手機內嘅social apps唔只可以令你盡知天下事,仲可以post文post相post片,盡訴心中情,盡呃朋友like,所以唔少人去到新圈子,都會交換Facebook或者IG。但係朋友唔可以亂識,FB、IG都唔可以亂俾。尤其係出到嚟社會工作,亂俾FB、IG上司同事後可能會有以下令你大為後悔嘅後果⋯⋯

1. 全面掌握
唔少人FB、IG都會輸入自己嘅個人資料,比較謹慎嘅朋友未必會將自己真實資料show曬出嚟。,呢啲資料有你嘅名,去到生日、學歷、職業,甚至你friend list或者互相follow梗嘅人,或者有你嘅相同你upload過嘅相……只要你一俾上司同埋同事有你account,可以做到你個「friend」同「follower」,佢哋就已經得到你嘅資料。即時係簡單一張相,內藏嘅蛛絲螞跡都可以令佢哋估到你曾經做過咩,同過咩人一齊,係個點嘅人⋯⋯除非你只係開個account add佢哋乜都唔upload或者限制曬佢哋,否則佢可能會有進一步行動⋯⋯

2. 扮同你熟
雖然有你account睇到你po乜唔代表真係同你熟,但始終有一定資料在手,可能佢哋會對住完全唔認識你嘅人扮到同你好friend,將你嘅事話俾佢哋知,或者扭曲事實都唔定!有時以為同你熟,仲可能會得寸盡尺,唔只對你講無禮嘅說話,甚至抽盡你水,搞到你大受無謂壓力。

3. 亂講事非
知道唔少打工仔壓力大,公事上遇到不平,就需要搵個途徑去發洩一下,令自己覺得舒服啲。而社交平台就係其中一個分享平台—「今日腦細又逼人開無聊OT」、「同事A根本就唔適合做呢個位」、「同事B同C都唔知係咪夾埋」……如果只係同親朋友好友share就話冇乜嘢,佢哋最多聽完都係得個「知」字或者安慰下你就算。但如果係有公司人因為咁而知道,咁你就弊家伙。佢哋有機會嚟招「以訛傳訛」,到時未見過你嘅同事都知道發生咩事,再喺背後亂咁講!

4. 打小報告
職場上有類人係靠打小報告維生—拎到一啲所謂「黑材料」後,有意無意咁轉告俾當事人上司,從而影響當事人仕途。你話如果係因為工作上能力有問題而被人話都心服口服,但可能就因為上FB、IG呻咗一兩句,而嗰啲說話對上司嚟講係大忌。嚴重,可能因為咁冇埋份工,真係多得佢哋唔少。

5. 嚴密監視
明明FB、IG係分享生活嘅平台,但add咗上司同同事之後,你知道呢個平台變得風光不再,因為你嘅account已經被嚴密監視—你嘅每一個post、每一張相、每一個留言……都會成為佢哋找尋任何有關你嘅線索。返返下工like咗啲嘢?「你做乜返工做私人嘢?」

所以,如果有上司同同事問你拎FB同IG,聰明嘅你知道要點做啦!拿拿臨say no啦!

文:小C

更多打工仔分享,追蹤 ECjobsonline 專頁 或 瀏覽 www.ecjobsonline.com

如果喜歡我們的文章,請即分享到︰

標籤: 職場生存  黑材料  FB  IG  打小報告  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→