X

識睇相嘅同事人緣特別好?


每次去到一間新公司閒來冇嘢做你哋會傾啲乜?當啲老前輩開聲話贈你兩句,係咪特別興奮呢?只要有一個同事打開隻手俾佢睇吓,個個即刻走埋嚟排晒隊打開雙手,係愛定係責任啊?
職場新鮮好奇寶寶
連平時唔聲唔聲嘅新同事都多咗嘢講,嗰位識睇相嘅同事即時變咗風頭躉,個個都搵佢問前程,成個氣氛就由嗰位同事主宰,拍拖結婚都關佢事,當你講晒自己啲嘢俾佢知,佢嘅人緣真係好咗,因為同大家熟咗有交情,交情多咗你仲要有求於佢,驟眼睇,新同事嘅人際關係都好似開展左新一頁,唔係鼓吹你識玄學先至幫到你嘅人際關係,其實佢哋都係觀察入微,識睇人講得中你嘅嘢,唔排除佢平時真係有研究開,相反佢係你身上都攞唔少料,有時新同事唔使初相識,就講晒自己由細到大啲愛情史啊家宅背景俾人知嘅。

人事關係圖
除咗識睇相,呢位同事仲非常清楚公司嘅人事關係,成日提你呢個同嗰個唔啱,叫你小心邊個邊個,呢個時候除咗覺得有人對自己好,都要用心睇真下現實環境係點,唔係人哋講咩就係咩,別人好意就當然心領,唔小心多口一齊講人是非,隨時中招都唔知,小編真係見過,人哋係老臣子,佢把口講出嚟,對比新同事講出嚟,個反差真係好大,大到好快就唔見咗個新同事。

八八卦卦有好奇心唔係錯,大家想從別人口中聽到自己嘅將來會係點?咪住先,將來乜唔係掌握在自己手中咩?既然咁好奇自己嘅命運,不如唔好攞出黎俾人睇,未來一於自己來。

文:金金

更多打工仔分享,追蹤 ECjobsonline 專頁 或 瀏覽www.ecjobsonline.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→