唔少打工仔嘅夢想都係想搵份筍工，而尋晚Facebook香港係官方專頁貼出請人告示，引起唔少網民熱烈討論。今次FB香港Office合共招聘21個職位，包括有IT工程師、客戶支援、數據分析、市場推廣、業務發展、傳媒關係、銷售、人力資源、法律顧問等等。不過各位職場新鮮人請留意返，招聘嘅職位大部份都是要求工作經驗7至10年的員工，最低要求的職位都要有3年工作經驗。
今年FB香港請人主要都係比較資深的員工，普遍工作經驗都要求7年至10年。要求最低嘅職位係客戶支援經理（旅遊及財務），只需要3年相關工作經驗。要求最高的是銷售及工程師，大部份職位都要求8至10年相關工作經驗，同時所有職位都必需要懂流利嘅英語及普通話，只有部份職位要求識得廣東話！
其實除咗Google之外，Facebook香港福利同辦公室設備向來被公認「冇得輸」，例如FB香港除了有Pantry、小型圖書部、健身室及育嬰室之外，開放式廚房吧更提供無限量零食及啤酒任飲。
facebook宜家係全球設有64個辦公室，共有1.3萬名員工，當中約7成是男士。創辦人朱克伯格（Mark Zuckerberg）曾經向傳媒表示，facebook「不求A級人才，不講精英主義」，用人唯才，達至連繫全球的最終目標。
有興趣嘅可以去以下網站申請：
https://www.facebook.com/careers/locations/hongkong/
更多打工仔分享，追蹤 ECjobsonline 專頁 或 瀏覽 www.ECjobsonline.com
請按此登錄後留言。未成為會員? 立即註冊